SABATA MIALOHA NY FETIN’NY TABERNAKELY
ny ANDRO FAMELOMBELOMANA
FANJAKAN’ANDRIAMANITRA IZAY HO AVY
TENIN’ANDRIAMANITRA
Mika 4: 1-6
Jaona 2:1-11
Asa 3:1,
19-26
SABATA 18 SEPTAMBRA 2021
SABATA MIALOHA NY FETIN’NY TABERNAKELY
ny ANDRO FAMELOMBELOMANA
FANJAKAN’ANDRIAMANITRA IZAY HO AVY
TENIN’ANDRIAMANITRA
Mika4: 1-6
Jaona 2:1-11
Asa 3:1,
19-26
Asa. 3:19 : « Koa mibebaha
ianareo, ka miverena hamonoana ny fahotanareo, mba ho avy izay andro
famelombelomana avy amin'ny fanatrehan'ny Tompo, »
TENIN’ANDRIAMANITRA
Mika 4: 1-6
[Ny
hampodian'i Jehovah ny voninahitr'i Ziona, rehefa avy nampahorina izy]
(Mik.4:1)
« Ary izao no ho tonga any am-parany: Ny tendrombohitra misy ny tranon'i
Jehovah dia haorina eo an-tampon'ny tendrombohitra Ary hasandratra ho avo noho
ny havoana; Ary ny firenena hitanjozotra hankany. » (Mik.4:2) « Eny, maro ny jentilisa no hiainga ka hanao hoe:
Andeha Isika hiakatra any an-tendrombohitr'i Jehovah, Ho any
an-tranon'Andriamanitr'i Jakoba, Mba hampianarany antsika ny amin'ny lalany, ka
handehanantsika amin'ny atorony; Fa avy any Ziona no hivoahan'ny lalàna, Ary
avy any Jerosalema ny tenin'i Jehovah. » (Mik.4:3) « Ary hitsara ny adin'ny firenena maro Izy ka
hampiaiky ny firenena mahery hatrany amin'ny lavitra; Dia hanefy ny sabany ho
fangady ireny ary ny lefony ho fanetezam-boaloboka; Ny firenena tsy hanainga
sabatra hifamely; Na hianatra ady intsony. » (Mik.4:4) « Fa samy hipetraka eny ambanin'ny voalobony sy ny
aviaviny izy, Ary tsy hisy hanaitaitra azy; Fa ny vavan'i Jehovah, Tompon'ny
maro, no efa niteny. » (Mik.4:5)
« Fa ny firenena rehetra samy mandeha amin'ny anaran'ny andriamaniny avy;
Fa isika kosa handeha amin'ny anaran'i Jehovah Andriamanitsika mandrakizay
doria. » (Mik.4:6)
« Amin'izany andro izany, hoy Jehovah, no hanangonako ny mandringa sy
hamoriako izay noroahina mbamin'izay nampahoriko; »
Jaona2:1-12
[Ny
nampodian’i Jesosy ny rano ho divay tao Kana, sy ny nakanesny tao Kapernaomy]
(Jao.
2:1) « Ary tamin'ny andro fahatelo dia nisy fampakaram-bady tao Kana any
Galilia; ary tao ny renin'i Jesosy. » (Jao. 2:7) « Dia hoy Jesosy taminy: Fenoy rano ny siny. Dia
nofenoiny hatramin'ny molony. » (Jao.
2:8) « Ary hoy Jesosy taminy: Tovozy amin'izao, ka ento ho eo amin'ny
mpandahatra ny fanasana. Dia nentiny. » (Jao. 2:9) « Ary raha nanandrana ny rano tonga divay ny
mpandahatra ny fanasana, nefa tsy nahalala izay nihaviany (fa ny mpanompo izay
nanovo ny rano no nahalala), dia niantso ny mpampakatra izy » (Jao. 2:10) « ka nanao taminy hoe:
Araka ny fanaon'ny olona dia ny divay tsara no arosony aloha; ary rehefa
nisotro be* ny olona, dia vao izay ratsiratsy kokoa; fa ianao kosa dia efa
nitahiry ny divay tsara ambaraka ankehitriny. [*Gr.mamo] » (Jao. 2:11) « Izany no nataon'i
Jesosy tao Kana any Galilia ho voaloham-pamantarana, ka nasehony ny voninahiny;
ary nino Azy ny mpianany. »(Jaona 2:12)
« Rehefa afaka izany, dia nidina nankany Kapernaomy Jesosy mbamin'ny
reniny sy ny rahalahiny ary ny mpianany; nefa tsy nitoetra ela teo Izy. »
Asa 3:1, 19-26
[Ny nahasitranan'i Petera ilay lehilahy nalemy
tongotra, sy ny tori-teny nataony tamin'ny olona]
Asa. 3:1 « Ary Petera
sy Jaona niakatra ho eo
an-kianjan'ny tempoly tamin'ny ora fahasivy fotoam-pivavahana. » … Ka
nitory hoe : Asa. 3:19
« Koa mibebaha ianareo, ka miverena hamonoana ny fahotanareo, mba ho avy izay andro famelombelomana avy amin'ny
fanatrehan'ny Tompo, » (Asa.
3:20) « ary mba hanirahany ny Kristy voatendry ho anareo, dia
Jesosy, » (Asa. 3:21) « Ilay
tsy maintsy horaisin'ny lanitra mandra-pihavin'ny andro fampodiana ny zavatra
rehetra, izay nampilazain'Andriamanitra ny mpaminaniny masina hatramin'ny
voalohany indrindra. » (Asa. 3:22)
« Fa Mosesy nilaza hoe: Mpaminany no hatsangan'i Jehovah Andriamanitra ho
anareo avy amin'ny rahalahinareo, tahaka ahy; izy no hohenoinareo amin'izay
rehetra holazainy aminareo. » (Asa.
3:23) « Ary izay rehetra tsy hihaino izany mpaminany izany dia
haringana tsy ho eo amin'ny olona (Deo. 18. 15, 19). » (Asa. 3:24) « Ary ny mpaminany
rehetra koa hatramin'i Samoela sy izay nanarakaraka, na iza na iza niteny, dia
nanambara izao andro izao. » (Asa. 3:25)
« Hianareo no zanaky ny mpaminany sy ny fanekena nataon'Andriamanitra
tamin'ny razanareo, raha hoy Izy tamin'i Abrahama: Ary amin'ny taranakao no
hitahiana ny firenena rehetra ambonin'ny tany (Gen. 22. 18). » (Asa. 3:26) « Andriamanitra, rehefa
nanangana ny Mpanompony*, dia naniraka Azy ho aminareo voalohany, mitahy anareo
amin'ny fialanareo rehetra amin'ny faharatsianareo isam-batan'olona. [*Na: ny Zanany] »
TORITENY
Dr. Rakotondravony Daniel, Fiangonan'Andriamanitra Miray
ANDRO FAMELOMBELOMANA SY FAMPODIANA NY ZAVATRA REHETRA
FAMPIDIRANA
Ity
toriteny nataon’i Petera taorian’ny nandraisany ny Fanahy Masina tamin’ny
Pentekosta ity dia mamintin ny baikon’Andriamanitra ho an’ny olombelona hoe
« Mibebaha ianareo, ka miverena hamonoana ny fahotanareo, mba ho avy izay
andro famelombelomana avy amin'ny fanatrehan'ny Tompo, » « ary mba
hanirahany ny Kristy voatendry ho anareo, dia Jesosy. »
Inona ny andro famelombelomana ary inona ny andro fampodiana ny zavatra rehetra?
Izay asehon’ny Fetin’ny Tabernakely
an-tsary (Lev. 23:27, 34) no lazain’i Petera amin’ireo andro ireo, satria izany no
maneho an-tsary ny fanjakan’i Jesosy Kristy amin’ny fiverenany (Apo
20:4).
Ny Andro Famelombelomana sy Fampodiana ny zavatra rehetra
dia hiantomboka
amin’ny fiverenan’i Jesosy Kristy, ilay aseho an-tsary amin’ny Fitsofana
Trompetra, sy amin’ny fanagadrana an’i Satana mandritry ny arivo taona,
izay aseho an-tsary amin’ny Andro Fanavotana, ary farany,ny
fitsanganana faharoa, hampianarana ny olombelona rehetra izay tsy nahalala ny
famojena talohan’ny fahafatesany.
Nyfiverenan’i
Jesosy Kristy sy ny fanagadrana an’i Satana mandritry arivo taona no mandrafitra ny fototra
izay hampiorenanana ny fampodiana ny
famoronana nataon’Andriamanitra tany am-boalohany, izay misy fiadanana
tonga lafatra sy firindran’ny zavatra rehetra. Koa
« Ny iraka ratsy fanahy idiran-doza; Fa ny iraka mahatoky dia
famelombelomana*.[Na: fanasitranana] » (Oha. 13:17).
Koa ireto manaraka ireto no ohatra amin’ny famelombelomana entin’ny fampodiana
ny zavatra rehetra eo amin’ny fiainan’ny olombelona:
Ø Hanana fiainana be dia be ny olon-drehetra rehefa mankatò
ny didin’Andriamanitra
Ø Hahita fiadanana be dia be izao tontolo izao
Ø Homena
fahasalamana sy hery be dia be nyolona
Ø Hizarana fahalalana be dia be ny momba ny
fahamarinan’Andriamanitrany olona
Ø Homena
fotoana be dia be sy andraikitra be dia be isika mpanjaka sy mpisorona
FANAZAVANA
Ø Ny iraka mahatoky dia famelombelomana
(Gal. 3:27) « Fa na iza na iza ianareo no
natao batisa ho an'i Kristy dia nitafy an'i Kristy. » (Gal. 3:29)
« Fa raha an'i Kristy ianareo, dia taranak'i Abrahama sy mpandova araka ny
teny fikasana. » (1 Pet. 2:9) « Fa ianareo kosa dia taranaka voafidy,
"fanjaka-mpisorona, firenena masina" (Eks. 19.6), olona
nalain'Andriamanitra ho an'ny tenany mba hilazanareo ny hatsaran'ilay niantso anareo
hiala tamin'ny maizina ho amin'ny fahazavany mahagaga; » (1 Pet. 2:21)
« Fa ho amin'izany no niantsoana anareo; fa Kristy aza efa nijaly hamonjy
anareo ka namela fianarana ho anareo, mba hanarahanareo ny diany; » (Oha.
13:17) « Ny iraka ratsy fanahy idiran-doza; Fa ny iraka mahatoky dia
famelombelomana*.[Na: fanasitranana] »
ð Mpandova ny Teny fikasana, dia ny fiainana
mandrakizay sy ny Fanjakan’Andriamanitra
isika, ary hizara famelombelomana miaraka amin’i Jesosy Kristy raha mahatoky
amin’ny fankatoavana ny Dinin’i Jehovah.
Ø
Izay an’i Kristy dia mpandova ny fiainana mandrakizay sy
ny Fanjakan’Andriamanitra
(Gal.
3:27) « Fa na iza na iza ianareo no natao batisa ho an'i Kristy dia nitafy
an'i Kristy. » (Gal. 3:28)
« Tsy misy intsony na Jiosy na Grika, na andevo na tsy andevo, na lahy sy
vavy; fa iray ihany ianareo rehetra ao amin'i Kristy Jesosy. » (Gal. 3:29) « Fa raha an'i Kristy
ianareo, dia taranak'i Abrahama sy mpandova araka ny teny fikasana. » (1 Pet. 2:9) « Fa ianareo kosa dia
taranaka voafidy, "fanjaka-mpisorona, firenena masina" (Eks. 19.6),
olona nalain'Andriamanitra ho an'ny tenany mba hilazanareo ny hatsaran'ilay
niantso anareo hiala tamin'ny maizina ho amin'ny fahazavany mahagaga; » (1 Pet. 2:21b) « … Kristy aza efa
nijaly hamonjy anareo ka namela fianarana ho anareo, mba hanarahanareo ny
diany; » (1 Pet.2:25) « Fa
efa nania toy ny ondry ianareo (Isa. 53.6), nefa ankehitriny dia efa niverina
ho amin'ny Mpiandry sy Mpitandrina* ny fanahinareo.[* Gr. Episkopo] » (Oha.13:17b) « … Ny iraka mahatoky
dia famelombelomana*. [Na: fanasitranana] »
Ø Hanome fiainana be dia be ho an’ny olona
a) Hoy Jesosy (Jao. 10 :10b) :
« Izao avy mba hananan’ny ondry fiainana, sady hananany be dia be »
Ny fanarahantsika ny dian’i Jesosy Kristy dia
hananantsika fiainana be dia be ankehitriny. Ary isika koa dia ho mpizara
fiainana be dia be ho an’ny olona amin’ny Fanjakan’Andriamanitra, satria ho
iray tanteraka amin’Andriamanitra ny olona rehetra amin’izany fotoana izany. (Jao. 17:11) « Ary tsy ho eto
amin'izao tontolo izao intsony Aho, fa izy ireto no ho eto amin'izao tontolo
izao, ary Izaho mankany aminao. Ray masina ô, tehirizo ireo amin'ny anaranao
izay nomenao Ahy, mba ho iray ihany izy, tahaka ny mahiray Antsika. » (Jao. 17:21) « mba ho iray ihany
izy rehetra, tahaka Anao Ray ato amiko, ary Izaho koa ao aminao, mba ho ao
amintsika koa izy; mba hinoan'izao tontolo izao fa Hianao no naniraka
Ahy. » (Jao. 17:22) « Ary
nomeko azy ny voninahitra izay nomenao Ahy, mba ho iray izy, tahaka ny mahiray
Antsika: »
b) Faminaniana (Amo. 9 :13-15)
(Amo. 9:13)
« Indro, avy ny andro, hoy Jehovah, Izay hahatraran'ny mpiasa tany ny
mpijinja, ary ny mpanosihosy voaloboka hahatratra ny mpamafy; Ny tendrombohitra
hipoipoitra ranom-boaloboka, ary ny havoana rehetra hiempo. » (Amo. 9:14) « Ary hampodiko ny
Isiraely avy amin'ny fahababoana, dia hanangana ny tanàna efa rava izy ka
honina ao, ary hanao tanim-boaloboka izy ka hisotro ny divay avy aminy; Hanao
saha koa izy ka hihinana ny vokatra. » (Amo. 9:15) « Eny, hamboleko ao amin'ny taniny izy, ka tsy
hongotana amin'ny taniny izay nomeko azy intsony izy, Hoy Jehovah
Andriamanitrao. »
c) Rano novoin’i Jesosy Kristy ho divay tao Kana
(Jao. 2 :1, 7-11)
(Jao. 2:1) « Ary
tamin'ny andro fahatelo dia nisy fampakaram-bady tao Kana any Galilia; ary tao
ny renin'i Jesosy. » (Jao. 2:7) « Dia hoy Jesosy taminy: Fenoy rano ny siny. Dia
nofenoiny hatramin'ny molony. » (Jao.
2:8) « Ary hoy Jesosy taminy: Tovozy amin'izao, ka ento ho eo amin'ny
mpandahatra ny fanasana. Dia nentiny. » (Jao. 2:9) « Ary raha nanandrana ny rano tonga divay ny
mpandahatra ny fanasana, nefa tsy nahalala izay nihaviany (fa ny mpanompo izay
nanovo ny rano no nahalala), dia niantso ny mpampakatra izy » (Jao. 2:10) « ka nanao taminy hoe:
Araka ny fanaon'ny olona dia ny divay tsara no arosony aloha; ary rehefa nisotro
be* ny olona, dia vao izay ratsiratsy kokoa; fa ianao kosa dia efa nitahiry ny
divay tsara ambaraka ankehitriny. [*Gr.mamo] » (Jao. 2:11) « Izany no nataon'i
Jesosy tao Kana any Galilia ho voaloham-pamantarana, ka nasehony ny voninahiny;
ary nino Azy ny mpianany. »
ð
Toy izany no herin’ny asa izay hataon’i Jesosy
mandritra ny fanjakana arivo taona, ary hataontsika miaraka aminy koa araka
izay voasoratra ao amin’ny Isa
32 :2, manao hoe : « Ary hisy lehilahy* ho fierena amin'ny
rivotra sy ho fialofana amin'ny ranonoram-baratra; Ho ranovelona ao amin'ny
tany karankaina izy, ho alo-batolampy lehibe amin'ny tany mahana. [Na: Ary
samy] »
d)
Fiantsoana ny olona rehetra handray ny
fahasoavan’Andriamanitra (Isa 55 :1-5)
(Isa.55:1)
« [Fiantsoana ny olona rehetra handray ny fahavoavan'Andriamanitra] He!
ianareo rehetra izay mangetaheta, mankanesa amin'ny rano! Ary ianareo izay tsy
manam-bola, avia, mividia, ka homàna! Eny, avia, mividia divay sy ronono, nefa
tsy amim-bola, na amin-karena. » (Isa.55:2)
« Nahoana ianareo no mandany* vola amin'izay tsy hanina, ary ny vokatry ny
fisasaranareo amin'izay tsy mahavoky? Mihainoa dia mihainoa
Ahy, ka hano izay tsara, dia aoka hiravoravo amin'ny matavy ny fanahinareo.[Na:
mandanja] » (Isa.55:3)
« Atongilano ny sofinareo, ka mankanesa aty amiko, mihainoa, dia ho velombelona ny fanahinareo; ary hanao fanekena
mandrakizay aminareo Aho, dia ny famindram-po mahatoky nampanantenaina an'i
Davida. » (Isa.55:4)
« Indro, nataoko vavolombelona ho an'ny firenena Izy, ho mpanapaka sy
komandy amin'ny firenena. » (Isa.55:5)
« Indro, firenena izay tsy fantatrao no hantsoinao, ary firenena izay tsy
nahalala Anao no hihazakazaka ho aminao noho ny amin'i Jehovah Andriamanitrao,
sy ny Iray Masin'ny Isiraely, fa nomeny voninahitra Hianao. »
Ø
Hahita fiadanana be dia be izao tontolo izao
a)
Jehovah hiady sy hamonjy anareo, fa ianareo kosa hangina
(Eks. 14 :13-14)
(Eks.14:13)
« Ary hoy Mosesy tamin'ny olona: Aza matahotra ianareo, mijanòna, fa ho
hitanareo ny famonjen'i Jehovah, izay hataony ho anareo anio; fa ny Egyptiana,
izay hitanareo anio, dia tsy ho hitanareo intsony mandrakizay. » (Eks.14:14) « Jehovah hiady ho anareo,
fa ianareo kosa hangina. »
ð
Matokia an’i Jehovah ary avelao Izy
hanatanteraka ny teny fikasany aminao, fa fiadanana be dia be no homeny anao. Amena !
b) Fepetra (Lev. 26 :2, 4-6)
(Lev.26:2)
« Tandremo ny Sabatako, ary hajao ny fitoerako masina: Izaho no
Jehovah. » (Lev.26:4)
« dia hanome anareo ranonorana amin'ny fotoany Aho, ka hahavoka-javatra ny
tany, ary hamoa ny hazo any an-tsaha. » (Lev.26:5) « Ary ny taom-pivelezanareo dia ho tratry ny
taom-piotazam-boaloboka, ary ny taom-piotazam-boaloboka dia ho tratry ny
taom-pamafazana dia hihinana ianareo ka ho voky; ary handry fahizay eo amin'ny
taninareo. » (Lev. 26:6)
« Any homeko fiadanana eo amin'ny tany ianareo ka handry fahizay, ary tsy
hisy hanaitaitra, fa hofongorako ny biby masiaka amin'ny tany, ary tsy
hotetezin-tsabatra ny taninareo. »
ð
Ny mampalahelo ankehitriny : Hatramin’izao
dia tsy nohajain’ny Isiraelita sy ny Jentilisa izany tenin’i Jehovah izany
satria tsy matoky Azy izy na tsy mahafantatra Azy sy ny lalàny sy ny didiny
akory. Noho izany dia tsy misy fiadanana be dia be eto an-tany, tsy misy sakafo
be dia be fa ny fahantrana sy tsy fisian-tsakafo no hitaamin’ny tany sy
firenena maro.
c) Hiakatra ao an-tendrombohitr’i Ziona ny
Jentilisa hianatra ny tenin’Andriamanitra ary ny firenena tsy hiady sy hifandrafy
intsony (Mik. :1-6)
(Mik.4:1) « [Ny
hampodian'i Jehovah ny voninahitr'i Ziona, rehefa avy nampahorina izy] Ary izao
no ho tonga any am-parany: Ny tendrombohitra misy ny tranon'i Jehovah dia
haorina eo an-tampon'ny tendrombohitra Ary hasandratra ho avo noho ny havoana;
Ary ny firenena hitanjozotra hankany. » (Mik.4:2) « Eny, maro ny jentilisa no hiainga ka hanao hoe:
Andeha Isika hiakatra any an-tendrombohitr'i Jehovah, Ho any
an-tranon'Andriamanitr'i Jakoba, Mba hampianarany antsika ny amin'ny lalany, ka
handehanantsika amin'ny atorony; Fa avy any Ziona no hivoahan'ny lalàna, Ary
avy any Jerosalema ny tenin'i Jehovah. » (Mik.4:3) « Ary hitsara ny adin'ny firenena maro Izy ka
hampiaiky ny firenena mahery hatrany amin'ny lavitra; Dia hanefy ny sabany ho
fangady ireny ary ny lefony ho fanetezam-boaloboka; Ny firenena tsy hanainga
sabatra hifamely; Na hianatra ady intsony. » (Mik.4:4) « Fa samy hipetraka eny ambanin'ny voalobony sy ny
aviaviny izy, Ary tsy hisy hanaitaitra azy; Fa ny vavan'i Jehovah, Tompon'ny
maro, no efa niteny. » (Mik.4:5)
« Fa ny firenena rehetra samy mandeha amin'ny anaran'ny andriamaniny avy;
Fa isika kosa handeha amin'ny anaran'i Jehovah Andriamanitsika mandrakizay
doria. » (Mik.4:6)
« Amin'izany andro izany, hoy Jehovah, no hanangonako ny mandringa sy
hamoriako izay noroahina mbamin'izay nampahoriko; »
d) Nampitsahatra ny tafio-drivotra sy ny
alon-drano Jesosy Kristy (Mar 4 :37-40)
(Mar. 4:37) « Ary
nisy tafio-drivotra mahery, ary nianjerazeran'ny alondrano ny sambokely ka nila
ho feno rano. » (Mar. 4:38)
« Ary Jesosy natory teo am-bodin'ny sambokely tambonin'ny ondana; ary
namoha Azy izy ireo ka nanao taminy hoe: Mpampianatra ô, tsy mampaninona Anao
va izao hahafatesanay izao? » (Mar.
4:39) « Ary nifoha Izy, dia niteny mafy ny rivotra sady nilaza tamin'ny
ranomasina hoe: Mangina, mitsahara. Ary dia nitsahatra ny rivotra, ka tony
tsara ny andro. » (Mar.
4:40) « Ary hoy Izy taminy: Nahoana no saro-tahotra ianareo? Tsy
mbola manam-pinoana va ianareo? »
Matahotra mafy ny amin’ny fiovan’ny toetr’andro isika
ankehitriny. Betsaka ny loza sy ny fahapotehana noho ny rivo-doza sy ny
tondra-drano. Fa rehefa tonga Kristy dia tsy hisy intsony izany loza izany fa
izay nasehony tamin’ny niarahany tamin’ny mpianany no porofo amin’ny
fiadanan’ny toetr’andro toy izany.
Ø Hisy fahasalamana sy hery be dia be
a) Fahasitranana be dia be (Asa 3 :1,
4-6)
(Asa.3:1)
« [Ny nahasitranan'i Petera ilay lehilahy nalemy tongotra, sy ny tori-teny
nataony tamin'ny olona] Ary Petera sy Jaona niakatra ho eo an-kianjan'ny
tempoly tamin'ny ora fahasivy fotoam-pivavahana. » (Asa. 3:4) « Ary Petera sy Jaona
nibanjina azy ka nanao hoe: Mijere anay. » (Asa. 3:5) « Dia nibanjina azy roa lahy tsara izy, fa nanantena
hahazo zavatra taminy. » (Asa. 3:6)
« Fa hoy Petera: Tsy manana volafotsy na volamena aho, fa izay ananako no
omeko anao: Amin'ny anaran'i Jesosy Kristy avy any Nazareta,
mitsangantsangàna. » (Asa. 3:7)
« Ary noraisiny tamin'ny tànany ankavanana ralehilahy ka natsangany; dia
natanjaka niaraka tamin'izay ny tongony sy ny kitrokeliny. » (Asa. 3:8) « Ary niantsambotra izy
ka nijoro, dia nitsangantsangana ary niara-niditra taminy ho eo an-kianjan'ny
tempoly, nitsangantsangana sy niantsambotsambotra sady nidera
an'Andriamanitra. »
b) Hery sy fahasitranana be dia be (Isa
35 :4-6)
(Isa. 35:4)
« Lazao amin'izay reraka* am-po: Mahereza, aza matahotra, indro,
Andriamanitrareo ho avy mitondra famaliana, dia ny famalian'Andriamanitra, eny,
Izy tokoa no ho avy ka hamonjy anareo. [Heb. maimaika] » (Isa. 35:5) « Dia hampahiratina ny
mason'ny jamba, ary hampahaladina ny sofin'ny marenina. » (Isa. 35:6) « Dia hitsambikina
tahaka ny diera ny mandringa, ary hihoby ny lelan'ny moana; Fa hiboiboika any
an-efitra ny rano, ary hisy renirano any amin'ny tany karankaina. »
c) Olona iray niantso mafy mba hisintonany ny
mason’i olona sy Jesosy Kristy izay nandalo (Lio 18 :35-43)
(Lio.
18:35) « Ary raha Jesosy nanakaiky an'i Jeriko, dia indro jamba anankiray
nipetraka nangataka teo amoron-dalana. » (Lio. 18:38) « Dia niantso mafy ralehilahy ka nanao hoe: Ry
Jesosy, Zanak'i Davida ô, mamindrà fo amiko. » (Lio. 18:40) « Ary Jesosy nijanona, dia nasainy ho entina eo
aminy ralehilahy; ary rehefa mby akaiky izy, dia nanontany azy Jesosy » (Lio. 18:41) « ka nanao hoe: Inona
moa no tianao hataoko aminao? Ary hoy izy: Tompoko, ny mba hampahiratina ny
masoko. » (Lio. 18:42)
« Dia hoy Jesosy taminy: Mahirata ny masonao; ny finoanao no efa nahavonjy
anao. » (Lio. 18:43) « Ary
niaraka tamin'izay dia nahiratra ny masony, ka nanaraka an'i Jesosy izy sady
nankalaza an'Andriamanitra; ary ny vahoaka rehetra, raha nahita, dia nidera
an'Andriamanitra. »
ð
Nanantona an’i Jesosy ilay
olona. Ho avy ny andro izay hananan’ny olona rehetra ny hery be dia be
izay ilaina hanantonany an’i Jesosy Kristy.raha mino ianao dia efa nomeny anao
ary ao anatinao izany hery izany ankehitriny.Amena ! Haleloia !
d) Andriamanitra manana hery be dia be ary tsy
mety reraka Izy, sady hanome izany hery izany ho an’ny olona rehetra izay
reraka (Isa 40 :28-31)
(Isa.40:28) « Tsy
fantatrao va? Tsy efa renao va fa Andriamanitra mandrakizay Jehovah, izay
namorona ny faran'ny tany? Tsy mba mety ho reraka na sasatra Izy; Tsy takatry
ny saina ny fahalalany. » (Isa.40:29)
« Mampahatanjaka ny reraka Izy, ary izay kely hery dia omeny hery be. »
(Isa.40:30) « Na dia ny tanora
fanahy aza dia ho reraka sy ho sasatra, ary na dia ny zatovo aza dia mety ho
tafintohina mafy; » (Isa.40:31)
« Fa izay miandry an'i Jehovah dia mandroso hery kosa; Elatra no hiakarany
tahaka ny voromahery; Hihazakazaka izy, nefa tsy ho sasatra; Handeha izy, nefa
tsy ho reraka. »
Ø Fahalalana sy fahazoana be dia be ny fahamarinan’i Jehovah
Amin’izao fotoana izao dia tsy ampy fahalalana an’i
Jehovah ny olona, fa jamban’ny fahalalana voatolotry ny razana.
a)
Hofoanana ny sarona izay manarona ny olona rehetra sy ny
rakotra izay mandrakotra ny firenena (Isa 25 :7)
(Isa.25:7)
« Ary hofoanany eto amin'ity tendrombohitra ity, ny sarona izay manarona
ny olona rehetra sy ny rakotra izay arakotra ny firenena rehetra. »
b)
Tsy hiery intsony ny mpampianatra, fa hahita maso azy
izay ampianarina (Isa 30 :20b-21)
(Isa.30:20b-21)
« Ary homen'ny Tompo mofo fahoriana sy ny rano fahalahelovana ianao; Ary
tsy hiery intsony ny mpampianatra anao; Ny masonao hahita ny mpampianatra
anao; » « Fa na mivily ho amin'ny an-kavanana ianao, na mivily ho
amin'ny ankavia, ny sofinao dia handre teny ao ivohonao manao hoe: Ity no lalana,
ka andehano. »
ð
Andraikitsika ny
hampianatra ireo olona rehetra ireo. Vonon ve ianao ?
c) Hataon’i Jehovah ao an-tsain’ny olona ny
lalàny ; hosoratany ao am-pony (Heb 8 :10-12)
(Heb. 8:10) « Fa
izao no fanekena hataoko amin'ny taranak'isiraely, Rehefa afaka izany andro
izany, hoy Jehovah: Dia hataoko ao an-tsainy ny lalàko, Sady hosoratako ao
am-pony, Ary Izaho ho Andriamaniny, ary izy ho oloko; » (Heb. 8:11) « Ary samy tsy
hampianatra ny namany sy ny rahalahiny avy izy, Na hanao hoe: Mahalalà an'i
Jehovah; Fa samy hahalala Ahy avokoa izy rehetra Hatramin'ny kely indrindra ka
hatramin'ny lehibe indrindra; » (Heb.
8:12) « Fa hamindra fo amin'ny tsi-fahamarinany Aho, Ary tsy hotsarovako
intsony ny fahotany" (Jer. 31. 31-34). »
Ø Fotoana sy andraikitra be dia be ho antsika fanjakam-pisorona
a)
Hampianatra ny olona isika (1 Pet 2 :9)
(1 Pet.
2:9) « Fa ianareo kosa dia taranaka voafidy, "fanjaka-mpisorona,
firenena masina" (Eks. 19.6), olona nalain'Andriamanitra ho an'ny tenany
mba hilazanareo ny hatsaran'ilay niantso anareo hiala tamin'ny maizina ho
amin'ny fahazavany mahagaga; » (Dan.
12:3) « Ary izay hendry dia hamirapiratra toy ny famirapiratry ny lanitra;
ary izay mamerina ny maro ho amin'ny fahamarinana dia ho tahaka ny kitana
mandrakizay doria. » (Mpi T.
11:1) « Atsipazo eny ambonin'ny rano ny haninao, fa ho hitanao ihany izy
rehefa ela. » (Mpi T. 11:2)
« Samy omeo anjara ny fito, ary na dia ny valo aza, fa tsy fantatrao izay
fahoriana hanjo aty ambonin'ny tany. »
b)
Tsara raha tsy nahalala ny lalàn’ny fahamarinana toy izay
hiala amin’ny didy masina natolotra azy (2 Pet 2 :20-21)
(2 Pet. 2:20)
« Fa raha misy efa afaka amin'ny fahalotoan'izao tontolo izao noho ny
fahalalana tsara an'i Jesosy Kristy, Tompo sy Mpamonjy, nefa voasingotr'izany
indray ka resy, ny farany dia ratsy noho ny voalohany. » (2 Pet. 2:21) « Fa tsara aminy raha
tsy nahalala ny lalan'ny fahamarinana toy izay hiala amin'ny didy masina
natolotra azy, rehefa nahalala izany izy. »
ð Raha ory sy misedra olana ianao ankehitriny, dia aza kivy
fa toetran’Andriamanitra ny mamindra fo ka henoy izao :
c)
Toetran’Andriamanitra ny mamindra fo (Isa 54 :7-8)
(Isa.54:7)
« Indray mipi-maso monja no nahafoizako anao; fa amin'ny indrafo lehibe
kosa no ampodiako anao. » (Isa.54:8)
« Tamin'ny firehetan'ny fahatezerako no nanafenako ny tavako taminao
indray mipi-maso monja, fa amin'ny famindram-po mandrakizay kosa no amindrako
fo aminao, hoy Jehovah, Mpanavotra anao. »
ð Omen’Andriamanitra
famindram-po be dia be ka manana andraikitra be dia be hizara famindram-po be
dia be ho an’ny olon-drehetra.
d) Famindram-pon’Andriamanitra :
Hovonjena avokoa ny Isiraely rehetra sy ny Jentilisa rehetra (Rom 11 :26,
30-31)
(Rom.
11:26) « ary amin'izany dia hovonjena avokoa ny Isiraely rehetra, - araka
ny voasoratra hoe: Hivoaka avy any Ziona ny Mpanafaka, Ary hampiala ny
haratsiam-panahy amin'i Jakoba Izy; » (Rom. 11:30) « Fa tahaka anareo tsy nanaiky an'Andriamanitra
fahiny, nefa ankehitriny ny tsi-faneken'ireny no nahazoanareo
famindram-po, » (Rom. 11:31)
« dia toy izany kosa ankehitriny, tsy nanaiky ireny, mba hahazoany
famindram-po ankehitriny noho ny famindram-po azonareo. »
Ø Fehiny
Santarinao dieny izao
izay voalaza hataonao miaraka amin’I Jesosy amin’ny andro famelombelomana raha
mino sy mankatò ny Didy ianao ary mikatsaka ny Fanjakn’andriamanitra mialoha ny
zava-drehetra. Fa amin’ny fiverenan’I Kristy kosa ianao dia isan’ny mpizara
izany fiadanana be dia be ho an’ny olon-drehetra izany. Amena! Haleloia!
(Apo. 5:13)
« … Ho an'ilay mipetraka eo ambonin'ny seza fiandrianana sy ho an'ny
Zanak'ondry anie ny saotra sy ny haja sy ny voninahitra ary ny fanjakana
mandrakizay mandrakizay. »