FAMINTINANA NY ANDRO MASINA SY NY
FETIN’ANDRIAMANITRA
TENIN’ANDRIAMANITRA
Levitikosy
23:1-8, 37
Marka 7:1-9
Galatiana 3:19-29
TENIN’ANDRIAMANITRA
Levitikosy 23:1-8, 37
[Lalàna ny amin'ny fanamasinana ny fotoam-pivavahana voatendrin'i
Jehovah]
(Levitikosy 23:1) « Ary Jehovah
niteny tamin'i Mosesy ka nanao hoe: »(Levitikosy 23:2)
« Mitenena amin'ny Zanak'Isiraely hoe: Ny amin'ny fotoam-pivavahana voatendrin'i Jehovah,
izay hantsoinareo ho fivoriana masina,
dia izao no izy: » (Levitikosy 23:3) « Henemana no hanaovana
raharaha; fa ny andro fahafito dia tena andro fitsaharana, dia fivoriana
masina; aza manao raharaha akory ianareo, fa Sabata ho an'i Jehovah eny
amin'izay fonenanareo rehetra izany. »(Levitikosy
23:4) « Izao no fotoam-pivavahana
voatendrin'i Jehovah, dia
fivoriana masina hantsoinareo amin'ny fotoany avy: » (Levitikosy 23:5) « Ny
andro fahefatra ambin'ny folo amin'ny volana voalohany, rehefa hariva, dia
Paskan'i Jehovah. » (Levitikosy 23:6) « Ary ny andro fahadimy
ambin'ny folo amin'izany volana izany dia andro firavoravoana ho an'i Jehovah,
fihinanana ny mofo tsy misy masirasira; hafitoana no hihinananareo mofo tsy
misy masirasira. » (Levitikosy 23:7) « Ary amin'ny andro voalohany
dia hisy fivoriana masina ho anareo: aza manao tao-zavatra akory ianareo; »
(Levitikosy 23:8) « fa manatera fanatitra atao amin'ny afo ho an'i Jehovah
hafitoana; ary amin'ny andro fahafito dia hisy fivoriana masina koa; aza manao
tao-zavatra akory ianareo. »
(Levitikosy 23:37) « Ireo
no fotoam-pivavahana voatendrin'i Jehovah, ka hantsoinareo ho fivoriana masina, … samy amin'ny fotoany avy izy rehetra. »
ð Nohamafisin’i Jehovah in-telo
ny fandidiana hiantsoana fivoriana masina amin’ny fotoany avy, ho an’ireo andro
firavoravoana voatendriny.
Marka 7:1-9
[Toriteny nataon’i Jeosy ny amin’ny fanaon-drazana]
(Marka 7:1) « Ary niangona teo aminy ny Fariseo sy ny
mpanora-dalàna sasany, izay avy tany Jerosalema » (Marka 7:2) « ka
nahita ny mpianatra sasany fa nihinan-kanina tamin'ny tanana tsy madio, izany
hoe, tsy voasasa. » (Marka 7:3) « (Fa ny Fariseo sy ny Jiosy rehetra
tsy mba mihinana, raha tsy efa manasa tsara* ny tànany, satria mitàna ny
fampianarana voatolotry ny razana izy.[*Gr. sasàny amin'ny totohondry] ».
(Marka 7:4) « Ary raha avy any an-tsena, dia tsy mihinana izy, raha tsy
misasa aloha. Ary misy fomba maro koa izay noraisiny hotanana, dia ny manasa
kapoaka sy famarana* mbamin'izay fanaka varahina**.) [* Gr. sekstaria] [**
ampio hoe: ary farafara] » (Marka 7:5) « Dia nanontany Azy ny Fariseo
sy ny mpanora-dalàna hoe: Nahoana ny mpianatrao no tsy manaraka ny fampianarana
voatolotry ny razana, fa mihinan-kanina amin'ny tanana tsy misasa izy? »
(Marka 7:6) « Fa Jesosy nanao taminy hoe: Marina ny naminanian'Isaia
anareo mpihatsaravelatsihy, araka ny voasoratra hoe: Ity firenena ity manaja
Ahy amin'ny molony, Fa ny fony kosa lavitra Ahy. » (Marka 7:7) « Koafoana ny ivavahan'ireo amiko, raha mampianatra ny
didin'olombelona ho fampianarana izy. (Isa. 29.
13). » (Marka 7:8) « Mahafoy ny
didin'Andriamanitra ianareo ka mitana ny fanaon'ny olona. »
(Marka 7:9) « Hay! tsara ny
nahafoizanareo ny didin'Andriamanitra mba hitandremanareo ny fampianarana
voatolotra anareo? ».
TORITENY
Dr. Rakotondravony Daniel, Fiangonan'Andriamanitra Miray
è Hentitra ny famaizan’i Jesosy ireo izay tsy mitandrina ny didin’Andriamanitra fa mitana ny fanaon’ny olona!
Galatiana 3:19-29
[Ny famonjena sy ny fahafahan'ny mino an'i Kristy ampitahaina amin'ny
fahamelohana sy ny fahandevozan'izay miankina amin'ny lalàna]
(Galatiana 3:19) « Inona ary ny lalàna ? Nanampy
noho ny fahadisoana izy ambara-pihavin'ny taranaka izay nomena ny teny fikasana;
ary nalahatr'anjely teo an-tànan'ny mpanalalana izany. » (Galatiana 3:20)
« Ary ny mpanalalana dia tsy an'ny irery, fa Andriamanitra dia iray
ihany. » (Galatiana 3:21) « Ka moa
manohitra ny teny fikasan'Andriamanitra va ny lalàna? Sanatria izany! Fa
raha nisy lalàna mahavelona nomena, dia avy tamin'ny lalàna tokoa ny
fahamarinana »(Galatiana 3:22) « Fa ny Soratra Masina efa nanidy azy
rehetra teo amin'ny fahotana, mba homena
ny mino ny teny fikasana noho ny finoana an i Jesosy Kristy. » (Galatiana 3:23) « Fa fony tsy mbola tonga ny finoana, dia voambina tao
ambanin'ny lalàna isika ka voahidy ho amin'ny finoana izay efa haseho ato
aoriana. » (Galatiana
3:24) « Koa ny lalàna dia mpitaiza
antsika ho amin'i Kristy, mba hohamarinina noho ny finoana isika. »
(Galatiana 3:25) « Fa rehefa tonga ny
finoana, dia tsy fehezin'izay mpitaiza intsony isika. »
(Galatiana 3:26) « Fa ianareo rehetra dia
zanak'Andriamanitra amin'ny finoana an'i Kristy Jesosy. »
(Galatiana 3:27) « Fa na iza na iza ianareo
no natao batisa ho an'i Kristy dia nitafy an'i Kristy. » (Galatiana 3:28) « Tsy misy intsony na Jiosy na Grika, na andevo na tsy
andevo, na lahy sy vavy; fa iray ihany ianareo rehetra ao amin'i Kristy Jesosy. » (Galatiana 3:29) « Fa raha an'i Kristy ianareo, dia taranak'i Abrahama sy
mpandova araka ny teny fikasana. »
ð ð Izay mino sy mitandrina
ary mankatò izay nandidian’i Jesosy Kristy dia tsy andevon’ny ota fa mibebaka,
ary tsy miandry ny lalàna vao hanitsy ny diany. Jesosy Kristy nanome
ohatra amin’ny toe-panahy sy fomba fiaina araka an’Andriamanitra, hankatoavana
sy hitandremana ny didy sy lalàna ary fitsipik’Andriamanitra. Nohamafisiny ny
fitandremana ny hevi-panahin’ireo didy sy lalàna ary fitsipika ireo. Koa raha
mino sy mankatò izay nandidiany isika dia tsy mila hahitsy amin’ny lalàna
intsony, satria ho tanteraka amin’ny toe-panahy araka an’Andriamanitra. Ireto
ny ohatra sasany izay nolazain’i Jesosy:
(Matio 5:21) « Efa renareo fa voalaza tamin'ny ntaolo hoe: Aza
mamono olona (Eks. 20. 13); ary izay mamono olona dia
miendrika hohelohina amin'ny fitsarana. » (Matio 5:22) « Fa Izaho kosa milaza aminareo hoe: Izay rehetra
tezitra* amin'ny rahalahiny dia miendrika hohelohina amin'ny
fitsarana; ary na zovy na zovy no hanao amin'ny rahalahiny hoe: Olom-poana
ianao, dia miendrika hohelohina amin'ny Synedriona; ary na zovy na zovy no
hanao hoe: Foka ialahy, dia miendrika ho ao amin'ny helo** mirehitra afo.
[*Na: tezitra foana] [**Gr. Gehena] »
(Matio 5:27) « Efa, renareo fa
voalaza hoe: Aza mijangajanga (Eks. 20. 14). » (Matio
5:28) « Fa Izaho kosa milaza aminareo fa
izay rehetra mijery vehivavy hila azy dia efa nijangajanga taminy tam-pony
sahady. »
(Matio 5:33) « Ary koa, efa
renareo fa voalaza tamin'ny ntaolo hoe: Aza mianian-tsy tò, fa efao amin'i
Jehovah ny fianiananao (Lev. 19. 12). » (Matio 5:34)
« Fa Izaho kosa milaza aminareo hoe: Aza
mianiana akory na amin'ny lanitra, fa seza fiandrianan'Andriamanitra izany; »
(Matio 5:35) « na amin'ny tany, fa fitoeran-tongony izany; na amin'i Jerosalema,
fa tanànan'ny Mpanjaka lehibe izany. » (Matio 5:36) « Aza mianiana
amin'ny lohanao; fa tsy mahay mahafotsy na mahamainty na dia singam-bolo iray
akory aza ianao. » (Matio 5:37) « Fa
aoka ny teninareo ho Eny, eny; Tsia, tsia; fa izay mihoatra noho izany dia avy
amin'ny ratsy*.[*Na amin'ilay ratsy] »
(Matio 5:38) « Efa renareo fa
voalaza hoe: Maso solon'ny maso, ary nify solon'ny nify (Eks.
21. 24). » (Matio 5:39) « Fa Izaho
kosa milaza aminareo hoe: Aza manohitra izay manisy ratsy anareo; fa na zovy na
zovy no mamely tahamaina ny takolakao ankavanana, atolory azy koa ny anankiray. »
(Matio 5:43) « Efa renareo fa
voalaza hoe: Tiava ny namanao (Lev. 19. 18), ary mankahalà ny
fahavalonao. » (Matio 5:44) « Fa Izaho kosa milaza aminareo hoe: Tiava ny fahavalonareo,
ary mivavaha ho an'izay manenjika anareo, » (Matio 5:45)
« mba ho tonga zanaky ny Rainareo Izay any
an-danitra ianareo; fa Izy mampiposaka ny masoandrony amin'ny ratsy fanahy sy
ny tsara fanahy ary mampilatsaka ny ranonorana amin'ny marina sy ny tsy marina. »
(Matio 5:48) « Koa amin izany
aoka ho tanteraka ianareo toy ny fahatanterahan'ny Rainareo Izay any
an-danitra. »
Ny Kristiana vita batisa tamin’ny anaran’i Jesosy Kristy (Asa 2:38), ho
amin’ny anaran’ny Ray sy ny Zanaka sy ny Fanahy Masina (Matio 28:19), ary
notorontoronin’ny Fanahy (Asa 19:6), dia nanomboka fomba fiainana vaovao sy
manaitra. Nefa toa
an'i Abrahama, sy Isaka, sy Jakoba, sy Davida ary i Paoly, dia
fantatr'Andriamanitra fa ny Kristiana dia mbola afaka manota ihany indraindray
(1 Jaona 1: 8-9). Koa Andriamanitra be
famindram-po dia mampanantena famelankeloka raha mibebaka isika; hampahery
antsika Izy, hahafahana manohy mandresy sy hahazo fiainana mandrakizay ao
amin'ny Fanjakany be voninahitra.
(1 Jaona 1:8) « Raha hoy isika: Tsy manana ota isika, dia
mamita-tena, ary ny marina tsy ato anatintsika. » (1 Jaona 1:9)
« Raha miaiky ny fahotantsika isika, dia mahatoky sy marina Izy ka mamela
ny fahotantsika sy manadio antsika ho afaka amin'ny tsi-fahamarinana rehetra. »
Saingy ahoana marina no ahafahana manohy mandresy, manohy mankany amin'ny tanjona
mandrakizay, miezaka mampivelatra amin’ny fiainantsika ny toetran'i Jesosy
Kristy lavorary sy masina ary marina, hahateraka antsika ao amin’ny
Fianakavian'Andriamanitra? Amin'ny alàlan'ny FINOAN'NY KRISTY
no hahatanteraka an’izany - "Kristy ao anatinareo,
fanantenana ny voninahitra" (Kol. 1:27).
(Kolosiana 1:27) « izay efa tian'Andriamanitra ho nampahafantarina
ny haren'ny voninahitr'ity zava-niafina ity any amin'ny jentilisa, dia Kristy
ao anatinareo, Izay fanantenana ny voninahitra; »
Hoy i Paoly: "MAHAY manao ny zavatra rehetra
aho - handresy izay fitsapana, na fisedrana, na olana,
na ota, amin'ny alàlan'i KRISTY izay manome hery ahy!" (Fil. 4: 13.)
Ary toy izany koa isika!
Eny, amin'ny
alalàn'i Kristy no ahafahantsika mampifaly an'Andriamanitra, manatanteraka ny
lalàny ary MANDRESY! Andao hofantarina.
NY ANDRO MASINA SY NY FETIN’ANDRIAMANITRA
Natao ho an’iza ary ny Fotoa-pivavahana
notendren’i Jehovah? Ho an’Isiraely ara-nofo ihany va, izay nasainy nitandrina
azy mandrakizay? Sa natao ho antsika Isiraely ara-panahy indrindra (taranak’i
Abrahama koa, Gal 3:27-29, jereo esty aloha; Rom 4:16)?
(Romana 4:16) « Koa finoana no andovana, mba ho
araka ny fahasoavana, hahatò ny teny fikasana ho an'ny taranaka
rehetra,- tsy ho an'izay amin'ny lalàna ihany, fa ho
an'izay amin'ny finoan'i Abrahama koa, dia ilay razantsika rehetra - »
Inona avy tamin’ny
Zanak’Isiraely ara-nofo no lovaintsika Isiraely ara-panahy? Inona no ataon’i Jehovah izay manatrika ireo Fotoam-pivavahana notendreny?
Mbola manankery ve ankehitriny ny
fitandremana azy ireo amin’ny fotoany avy? Sa tsy ilaina satria “aloka fa tsy tena izy”? Mirakitra inona moa izy ireo? Raha Jesosy Mpamonjy no manatanteraka izay raketiny, moa tsy misy andraikitra takiana amin’ny olona izay hovonjena ve?
Tsy hampianatra azy ireo koa va ny
olom-boafidy amin’ny Fanjakana arivo taona? (Zak 14: 16-19,
jereo etsy aoriana).
« Andramo ka izahao fa tsara Jehovah! » (Sal 34:8)
Raha hanandrana Azy ihany, ahoana ireo Andro
Masina nodidiany ho mandrakizay?
Hoy Jesosy, nanome tsiny ny mpitondra fiangonana
tamin’ny androny: « Hay! tsara ny nahafoizanareo
ny didin'Andriamanitra mba hitandremanareo ny fampianarana voatolotra anareo? » (Mar 7:9). Mariho tsara io tsikera nataon’i Jesosy
io ! Mihatra indrindra amin’ny
fitandremana ireo Fotoam-pivavahana notendren’i Jehovah ho masina io.
Izany tokoa, satria tsy misy olona mahay
manompo tompo roa, afaka sady hitandrina ireo fety nampidirina ao am-piangonana avy
tamin’ny lovantsofina, no hanao izany koa amin’ireo Andro masina nodidian’i
Jehovah ao amin’ny Baiboly, izay notandreman’i Jeososy sy ny
fiangonana apostolika.
Tsy maintsy MISAFIDY isika! Diniho tsara ny
lanjan’ny fandidiana in-3 hoe « Fivoriana masina hantsoinareo amin'ny fotoany avy » (Lev 23), izay mitantara ny dingana rehetra amin’ny Planin’Andrianamitra
hamonjena ny olombelona ho tafiditra ao amin’ny
Fanjakan’Andriamanitra eto an-tany. Tsy maintsy misafidy isika na hanaraka an’i Kristy sy ireo apostoly voalohany, amin’ny
fitandremana ireo dingam-pamonjena ireo, na “hanamasina” fotoana hafa araka izay heverintsika!
Ny Andro
Masina sy ny Fetin’Andriamanitra dia
tsy misy ifandraisany amin'ny fetin'ny zanak'olombelona. Ny Andro
Masin’Andriamanitra dia nambara tamin'ny fanahin'olombelona (1 Korintiana 2:
9-10).
(1 Korintiana 2:9) « Fa araka ny voasoratra hoe: Izay tsy mbola hitan'ny maso ary tsy mbola
ren'ny sofina, na niditra tao am-pon'ny olona, na inona na inona no
efa namboarin'Andriamanitra ho an'izay tia Azy (Isa. 64.
3), » (1 Korintiana 2:10) « dia isika
no nanambaran'Andriamanitra izany tamin'ny Fanahy; fa ny Fanahy mamantatra
ny zavatra rehetra, na dia ny saina lalina izay an'Andriamanitra aza. »
Ireo dia Andro masina isan-taona izay
nodidian'ny Raintsika hivavahana Aminy. Tian'Andriamanitra
ny hivavahantsika aminy mandritry ny androny, fa tsy hanaraka ny andro
fankalazan’ny mpanompo sampy (Deoteronomia 12: 29-32).
(Deotoronomia
12:29) « Rehefa aringan'i Jehovah
Andriamanitrao eo anoloanao ny firenen-tsamy hafa, izay alehanao horesenao, ary handresy azy ianao ka
honina eo amin'ny taniny, » (Deotoronomia 12:30) « dia mitandrema, fandrao voafandrika hanaraka ny fanaony ianao, rehefa voaringana eo anoloanao izy; ary andrao
mamotopototra ny amin'ny andriamaniny ianao ka manao hoe: Nanao ahoana no
nanompoan'ireny firenena ireny ny andriamaniny? fa izaho koa mba hanao toy
izany. » (Deotoronomia 12:31) « Aza
manao toy izany amin'i Jehovah Andriamanitrao; fa ny fahavetavetana rehetra,
izay halan'i Jehovah, no nataony tamin'ny andriamaniny; fa ny
zananilahy sy ny zananivavy aza dia nodorany tamin'ny afo ho an'ny
andriamaniny. » (Deotoronomia 13:1) « Izay
rehetra andidiako anareo dia tandremo mba harahina; aza ampianao izany, ary aza
anesoranao. »
Rehefa miverina eto an-tany i
Jesosy Kristy ho Mpanjakan'ny Mpanjaka sy Tompon'ny tompo, ny olombelona dia
hianatra mitandrina ireo Fetin’Andriamaitra tena lehibe ireo (Zakaria 14: 16-19). Ho faizin’Andriamanitra mafy ireo
firenena izay tsy mitandrina ny fety sy andro masina voatendriny.
(Zakaria 14:16) « Ary ny sisa
rehetra amin'ny jentilisa rehetra, izay niakatra namely an'i Jerosalema, dia
hiakatra isan-taona isan-taona hiankohoka eo anatrehan'ny Mpanjaka, dia
Jehovah, Tompon'ny maro, sy hitandrina ny andro firavoravoana fitoerana
an-trano rantsan-kazo. »
(Zakaria 14:17) « Ary na iza na iza
amin'ny firenena samy hafa amin'ny tany no tsy hiakatra ho any
Jerosalema hiankohoka eo anatrehan'ny Mpanjaka, dia Jehovah, Tompon'ny maro,
dia tsy mba hisy ranonorana mivatravatra any aminy. »
(Zakaria 14:18) « Ary raha ny firenen'i Egypta tsy mba miakatra ka
tsy tonga, dia tsy hisy koa any aminy, sady ho tonga ny
areti-mandringana izay hamelezan'i Jehovah ny firenena tsy miakatra hitandrina
ny andro firavoravoana fitoerana an-trano rantsan-kazo. » (Zakaria
14:19) « Izany no fampijaliana an*'i Egypta sy fampijaliana* ny
firenena rehetra izay tsy miakatra hitandrina ny andro firavoravoana fitoerana
an-trano rantsan-kazo. [na: fahotana] »
Ho jerentsika izao ny lisitr’ireo
Fetin’Andriamanitra amin’ny volana fahafito, sy ny fehezanteny fohy manazava
azy, izay mampiseho ny fifandraisany amin'ny olombelona.
NY ANDRO MASIN’ANDRIAMANITRA AMIN’NY VOLANA FAHAFITO
Vakina tsirairay ny
tenin’Andrimanitra voalahatra, afa-tsy ireo lavabe izay fintinina.
Fetin’ny Trompetra
Levitikosy 23:23-25; Matio 24:30-31; 1
Tesaloiniana 4:16-17; Apokalypsy 11:15. Ny Ray handefa an’i Jesosy Kristy
mpandresy ety an-tany, ho Mpanjakan’ny mpanjaka sy Tompon’ny tompo, mba hamonjy
ny zanak’olombelona amin’ny fahafonganana tanteraka. Rehefa tsofina ny
Trompetra farany, dia hiverina Jesosy Krsity, ary hatsangana amin’ny maty ireo
olo-masina mba hiara-manorina Aminy ny Fanjakan’Andriamanitra eto an-tany.
Fetin’ny Andro Fanavotana
Levitikosy 23:26-32; 16:7-31;
Apokalypsy 20:1-3. Satana devoly, ny mpamitaka lehibe ho an’ny firenena rehetra
sy ny vahoaka, ilay mpamorona sy mpitarika ny fisarahana dia hesorina.
Hampihavanina amin’Andriamanitra ny olona.
Fetin’ny Tabernakely
Levitikosy 23:34-35, 39-42; Isaia 2:1-4; 11:1-16;
Apokalypsy 20:4, 6. Jesosy Kristy sy ny olo-masina hanapaka ny tany mandritry
ny arivo taona. (Isaia 2:3) « … Fa avy any Ziona no hivoahan'ny lalàna, ary avy any
Jerosalema ny tenin'i Jehovah. » (Isaia 11:9) « … Fa ny tany ho
henika ny fahalalana an'i Jehovah, tahaka ny anaronan'ny rano ny fanambanin'ny
ranomasina. » Ny firenena rehetra sy
ny olona rehetra hantsoina ho amin’ny fibebahana sy ny famonjena.
Ny andro Lehibe Farany
Levitikosy 23:36; Ezekiela 37:1-14;
Matio 12:41-42; Apokalypsy 20:5, 11-12. Mandritry ny Fitsaran’ilay Seza
Fiandrianana Fotsy Lehibe, olombelona an-davitrisany maro, izay tsy
nahafantatra mihitsy ny fahamarinana, no hatsangana amin’ny maty ho amin’ny
nofo aman-drà, mba hanana anjara amin’ny fanomezana famonjena.
(Joda 25) « Ho an'Andriamanitra tokana, Mpamonjy antsika, amin'ny
alalan i Jesosy Kristy Tompontsika anie, ny voninahitra sy ny fahalehibiazana,
ny fanjakana sy ny fahefana hatramin'ny taloha indrindra sy ankehitriny ary
mandrakizay. Amena. »
================oOOOo================