FETY SY ANDRO MASINA FITSOFANA TROMPETRA
Fitsofana Trompetra Mbola Ho Avy
TENIN’ANDRIAMANITRA
Nomery 10:1-10
Matio 24:19-31
Apokalypsy 11:15-19
TENIN’ANDRIAMANITRA
Nomery 10:1-10
[Ny trompetra volafotsy]tamin’ny andron’ny Zanak’Isiraely
(Nomery 10:1)
« Ary Jehovah niteny tamin'i Mosesy ka nanao hoe: »(Nomery 10:2) « Manaova trompetra volafotsy roa ho anao; voasana no
hanaovanao azy; dia ho fiantsoanao ny
fiangonanasy ho fampiainganao ny toby ireo. »(Nomery 10:3) « Ary raha
tsofina avokoa ireo, dia hivory eo aminao, eo anoloan'ny varavaran'ny trano-lay
fihaonana, ny fiangonana rehetra. »(Nomery 10:4) « Fa raha ny iray
ihany no tsofina, dia ny lohan'ny firenena,
izay mpifehy arivo amin'ny Isiraely, ihany no hivory eo aminao. »(Nomery 10:5) « Fa raha mitsoka ho fampitairana ianareo, dia
hiainga ny toby izay mitoetra eo atsinanana. »(Nomery 10:6) « Ary raha
mitsoka ho fampitairana fanindroany ianareo, dia hiainga ny toby izay mitoetra
eo atsimo; fampitairana no hatao fiaingany. »(Nomery 10:7) « Fa raha
hampivory ny fiangonana kosa ianareo, dia hitsoka fotsiny, fa tsy hanao
fampitairana. »(Nomery 10:8)
« Ary ireo mpisorona, zanak'i Arona, no hitsoka ny trompetra; dia ho
lalàna mandrakizay ho anareo hatramin'ny taranakareo fara mandimby
izany. »(Nomery 10:9)
« Ary raha misy ady eo
amin'ny taninareo, ka mandeha hiady amin'ny fahavalo izay mampahory anareo
ianareo, dia hitsoka ireo trompetra ireo ho fampitairana, dia hotsarovana
eo anatrehan'i Jehovah Andriamanitrareo ianareo ka
hovonjena amin'ny fahavalonareo. »(Nomery 10:10) « Ary amin'ny
andro fifalianareo, sy amin'ny fotoam-pivavahanareo, ary amin'ny
voaloham-bolanareo no hitsofanareo ny trompetra, raha manao ny fanatitra
doranareo sy ny fanati-pihavananareo; dia ho fahatsiarovana ho anareo izany eo
anatrehan'Andriamanitrareo: Izaho Jehovah no Andriamanitrareo. »
Matio 24:19-31
[Ny nanambaran’i Jesosy ny handravanaan’i Jerosalema sy ny hihaviany
indray]
(Matio 24:19) « Ary lozan'ny bevohoka sy ny
mampinono amin'ireo andro iro! »(Matio 24:20) « Fa mivavaha ianareo
mba tsy ho amin'ny ririnina na ho amin'ny Sabata no handosiranareo. »(Matio
24:21) « Fa amin'izany andro izany dia hisy fahoriana lehibe, izay tsy
mbola nisy toa azy hatrizay niandohan'izao tontolo izao ka mandraka
ankehitriny, sady tsy hisy intsony. »(Matio 24:22) « Ary raha tsy efa nohafohezina izany andro
izany, dia tsy nisy nofo hovonjena; fa noho ny olom-boafidy dia hohafohezina
izany andro izany. »(Matio 24:23) « Koa raha misy manao aminareo
hoe: Indro, atỳ Kristy, na: Indro, arỳ ; aza mino
ianareo. »(Matio 24:24) « Fa hisy Kristy sandoka sy mpaminany sandoka
hitsangana ka haneho famantarana lehibe sy fahagagana, ary raha azo atao, na
dia ny olom-boafidy aza dia hofitahiny. »(Matio 24:25) « Indro,
voalazako aminareo rahateo izany. »(Matio 24:26) « Ary amin'izany,
raha misy manao aminareo hoe: Indro, any an-efitra Izy, aza mankany ianareo;
Indro, ao amin'ny efi-trano Izy, aza mino. »(Matio 24:27) « Fa tahaka
ny helatra avy any atsinanana ka hita hatrany andrefana, dia ho tahaka izany ny
fihavian'ny Zanak'olona. »(Matio 24:28) « Fa izay itoeran'ny faty, dia
any no hiangonan'ny voromahery. »(Matio 24:29) « Ary raha vao afaka
ny fahoriana amin'ireo andro ireo, ny masoandro dia hohamaizinina, ary ny
volana tsy hahazava; ny kintana hiraraka avy any an-danitra, ary ny herin'ny
lanitra hohozongozonina. »(Matio 24:30) « Ary amin'izany andro izany
dia hiseho eo amin'ny lanitra ny famantarana ny Zanak'olona, ka dia hitomany ny
firenena rehetra ambonin'ny tany, ary hahita ny Zanak'olona avy amin-kery sy
voninahitra lehibe eo amin'ny rahon'ny lanitra izy. »(Matio 24:31)
« Ary amin'ny ampanenoana mafy ny trompetra dia haniraka ny anjeliny Izy,
ary hangonin'ireo ny olom-boafidy avy amin'ny vazan-tany* efatra hatramin'ny
faravodilanitra rehetra.[*Gr. rivotra] »
Apokalypsy 11:15-19
[Ny nitsofana ny trompetra fahafito, sy ny nahatongavan’ny loza fahatelo]
(Apokalypsy 11:15) « Ary ny anjely fahafito nitsoka, dia nisy feo mafy tany
an-danitra nanao hoe: Ny fanjakana
amin'izao tontolo izao dia efa lasan'ny ny Tompontsika sy ny Kristiny; ary Izy
no hanjaka mandrakizay mandrakizay. »(Apokalypsy 11:16) « Ary
ny loholona* fatra amby roa-polo,
izay mipetraka eo ambonin'ny seza fiandrianany eo anatrehan'Andriamanitra, dia
niankohoka ka nivavaka tamin'Andriamanitra [* presbytera] »(Apokalypsy
11:17) « nanao hoe: Misaotra Anao
izahay, Tompo Ô, Andriamanitra Tsitoha, Ilay ankehitriny sy taloha, Satria
nasehonao ny herinao lehibe, ka efa manjaka Hianao. »(Apokalypsy
11:18) « Ary tezitra ny firenena maro, ary tonga ny fahatezeranao sy ny
fotoana hitsarana ny maty*, sy hanomezana valim-pitia ny mpaminany mpanomponao sy ny
olona masina ary izay matahotra ny anaranao, na kely na lehibe, ary mba
hanimbanao izay manimba ny tany. »[*Na ny
firenena]. (Apokalypsy 11:19) « Ary novohana
ny tempolin'Andriamanitra any an-danitra, ka hita ny fiaran'ny fanekeny teo anatin'ny tempoliny; ary nisy
helatra sy feo sy kotrokorana sy horohorontany ary havandra vaventy. »
TORITENY
Dr. Daniel Rakotondravony, Fiangonan'Andriamanitra Miray
Fitsofana
Trompetra Mbola Ho Avy
Ny
andian-java-miseho mahaliana indrindra amin'ny tantaram-piainan'ny olombelona
dia hiantomboka amin’ny feon'ny trompetra. Ity tranga mampientam-po ity dia hiseho
mandritry ny fiainan'ny maro amin'ireo mandalina ity lesona ity. Inona no
asehon'ireo feona trompetra ireo? Rahoviana izy ireo no hitranga ary inona no
ambarany ho an’ny tena Kristianina?
Ny Apokalypsy
8 sy 9 dia ahitana ny ankamaroan'ny fampahalalana mifandray
amin'nytrompetra enina voalohany. Ny toko 10 sy 11 dia manome fampahalalana
fanampiny momba ny trompetra fahafito.
Misy toko sy andininy avy ao amin'ny Soratra Masina mitantara ity vanim-potoana
ity ihany koa, indrindra fa ny trompetra
fahafito sady farany. Ilaina ny hamaritana ny dikan'ireo trompetra ireo sy
ny hahafantarana ny toerany ao anatin'ny lamin'asa ara-paminaniana amin'ny
fotoana farany, mba hahitana ny filaharan'ny fisian'ireo tranga voalaza ao
amin'ny bokin'ny Apokalypsy.
Ny Apokalypsy
4 dia mamaritra ny Apositoly Jaona nentin’ny fahitana ho any an-danitra,
izay itoeran'Andriamanitra; tao izy dia afaka nibanjina an’Andriamanitra Ray
teo amin'ny seza fiandrianany, voahodidin'ny mpitsara miaraka aminy any
an-danitra.
Ny Apokalypsy
5 dia mirakitra fa nahita ny horonam-boky notazonin’Andriamanitra teo
an-tanany i Jaona, ary voasoratra « tao anatiny sy teo ivelany», misy
tombo-kase fito. Rehefa afaka kelikely, dia nolazaina tamin’ny Apositoly
Jaona fa ny Zanakondrin’Andriamanitra - Jesosy Kristy - dia izy irery,
tany an-danitra sy teto an-tany,no afaka nanokatra ireo tombo-kase ireo.
Ny Apokalypsy
6 dia mitantara ny fanokafana ny tombo-kase enina voalohany.
Taorian'ny
fanokafana ny tombo-kase tsirairay dia hitan'i Jaona tamin'ny fahitana ilay sary
an'ohatra momba ireo fisehoan-javatra ara-paminaniana mifandraika amin'izany.
Ho
an'ny tombo-kase efatra voalohany, dia hitan'i Jaona, fa misy soavaly
hafa sy izay mpitaingina azy isaky ny tombo-kase. Tahaka ny efa nianarantsikatamin’ny
lesona faha-3 amin'ity fianarana ity,ny soavaly fotsy dia mampiseho ilay
mpaminany sandoka, ny soavaly mena no manambara ny ady, ny mainty
maneho ny mosary, ary ny soavaly maitso miaraka amin’ny mpitaingina azy
dia tandindona vanim-potoana iray ianjadian’ny aretina sy ny fahafatesana.
Rehefa
nosokafana ilay tombo-kase fahadimy dia hitan'i Jaona fa hisy koa ny fotoana
izay hamonoana ireo olo-masina. Ny andininy hafa dia milaza an'ity fotoana
ity ho "andro mahory".
Ny
fanokafana ny tombo-kase fahenina dia mitondra ny fahitana ireo famantarana
eny amin’ny lanitra, izay manomana ny sehatra hiavian'ny
Andron'ny Tompo (Apokalypsy 6: 12-17, Matio 24:29).
(Apokalypsy
6:12) « Ary nahita aho, rehefa novahany ny tombo-kase fahenina, dia nisy
horohorontany mafy; ary tonga mainty tahaka ny lamba volon'osy fisaonana ny
masoandro, ary tonga tahaka ny rà avokoa ny volana. »(Apokalypsy 6:13)
« Ary ny kintana tamin'ny lanitra dia niraraka tamin'ny tany, toy ny
aviavy manintsana ny voany manta, raha hozongozonin'ny rivotra mahery
izy. »(Apokalypsy 6:14) « Dia lasa tahaka ny taratasy voahorona ny
lanitra, ary ny tendrombohitra sy ny nosy rehetra dia nafindra niala tamin'ny
fitoerany. »(Apokalypsy 6:15) « Ary ny mpanjakan'ny tany sy ny lehibe
sy ny mpifehy arivo sy ny mpanankarena sy ny lehilahy mahery mbamin'ny andevo
rehetra sy ny tsy andevo rehetra dia niery tao amin'ny lavaka sy tao amin'ny
vatolampy eny an-tendrombohitra; »(Apokalypsy 6:16) « ary hoy izy
tamin'ny tendrombohitra sy ny vatolampy; Mianjerà aminay, ka afeno izahay
amin'ny tavan'ilay mipetraka eo ambonin'ny seza fiandrianana sy amin'ny
fahatezeran'ny Zanak'ondry; »(Apokalypsy 6:17) « fa tonga ny andro
lehiben'ny fahatezeran'ireo*, ka iza no mahajanona? [* Na: ny
fahatezerany] »
(Matio 24:29) « Ary raha
vao afaka ny fahoriana amin'ireo andro ireo, ny masoandro dia hohamaizinina,
ary ny volana tsy hahazava; ny kintana hiraraka avy any an-danitra, ary ny
herin'ny lanitra hohozongozonina. »
Ny Apokalypsy
faha-7 dia mamaritra ny fisehoan-javatra iray izay hitranga aorian'ny
famantarana eny amin’ny lanitra ambaran'ny tombo-kase fahenina, ary alohan'ny
fisokafan'ny tombo-kase fahafito ao amin'ny Apokalypsy 8: 1. Ity hetsika
ity dia manamarika ny fametahana tombo-kase amin’ny olona 144000, avy amin'ny
foko Isiraely, izay harovana amin'ny atambo, sy ny loza amin'ny Andron'ny
Tompo. Rehefa avy nohazavaina tamin'i Jaona fa ireto voaloham-bokatra 144000
ireto dia hatokana mba hiarovan'Andriamanitra azy, dia nomena fahitana indray
izy,mampahafantatraireo izay navotana sy mitsangana eo anoloan'ny seza
fiandrianan'Andriamanitra, amin'ny fiafaran'ny Planina lehiben’Andriamanitra.
Ny Apokalypsy
8: 1-2 dia mampiseho fa ny fitambaran’ireo trompetra fito ireo no mamorona
ny tombo-kase fahafito, fotoana antsoina hoe Andron'ny Tompo na fotoan’ny
fahatezeran'Andriamanitra. Izy ireo no maneho ny sazy amin’ny andro farany,
ampiharina amin'ny firenena mpikomy, izay manohy tsy miraharaha ireo fampitandremana
nambaran'ny tena mpanompon'Andriamanitra.
[Ny namahana ny tombo-kase fahafito, sy ny nitsofana ny
trompetra efatra] (Apokalypsy 8:1) « Ary rehefa novahany ny tombo-kase fahafito,
dia nangina tokony ho antsasaky ny ora ny tany an-danitra. »(Apokalypsy 8:2) « Ary hitako ny
anjely fito izay mitsangana eo anatrehan'Andriamanitra; ary nomena trompetra
fito ireo. »
360j = 24h
Firy andro ny antsasaky ny ora
?
(360/24)*0,5 = 7,5 jours
Ny Apokalypsy 8 dia
mamaritra, amin'ny heviny ara-panoharana, ireo zava-mitranga vokatry ny fitsofana
ny trompetra efatra voalohany. Ny
ankamaroan'ireo zavamaniry, anisan'izany ny ampahatelon'ny
hazo, dia ho levona aorian'ny trompetra
voalohany. Ny trompetra faharoa
dia hahatonga ny fahapotehana faobe any
amin'ny ranomasina. Ho tafiditra amin'izany ny fahafatesan'ny
ampahatelon'ny fiainana an-dranomasina,ary hisy fanelingelanana ny
fifamoivoizana an-dranomasina. Ny trompetra
fahatelo dia manambara ny fahasimban’ny
ampahatelon'ny rano mamy, ary ny trompetra
fahefatra dia manamarika ny fikorontanana
amin'ny faharetan'ny andro sy ny alina.
Ny Apokalypsy 9 dia miresaka ny trompetra fahadimy sy fahenina. Ireo
trompetra roa ireo dia manambara ny
fihetsehan'ny asan'ny demonia, izay notazonina mandra-pahatongan'izany, ka nahatongafandringanana
be dia be tamin'ny ampahany lehibe amin'ny zanak'olombelona. Aorian'ny
fitsofana ny trompetra fahadimy dia hampandeha fanafihana faobe ny
herin'ilay bibi-dia, natao hanakenda ny Atsinanana, mba hifehezana
tanteraka an'izao tontolo izao. Ny trompetra fahenina dia mifanandrify
amin'ny fanafihan'ny firenena tatsinanana (valifaty), angamba amin'ny
alàlan'ny fitaovam-piadiana niokleary izay hitarika
ny ampahatelon'ny olombelona ho faty.
Ny fanenoan’ny trompetra fahafito, voalaza ao amin'ny Apokalypsy 11:15, dia hitondra ny firotsahan'Andriamanitra
an-tehatra farany.
[Ny nitsofana ny trompetra fahafito, sy ny nahatongavan'ny loza fahatelo] (Apokalypsy 11:15)
« Ary ny anjely fahafito nitsoka, dia nisy feo mafy tany an-danitra nanao
hoe: Ny fanjakana amin'izao tontolo izao dia efa lasan'ny ny Tompontsika sy ny
Kristiny; ary Izy no hanjaka mandrakizay mandrakizay. »
Ity trompetra ity dia hanambara ny fiverenan'i Jesosy
Kristy, ny fanamelohana farany
ataon'Andriamanitra, ny fandreseny ireo
firenena, ary ny fitsanganan'ny olona masina ho amin’ny fiainana
mandrakizay. Ho famantarana ihany koa
ny fadrotsahana ny lovia izay misy ny loza
fito farany amin'ny olombelona mpikomy (Apokalypsy 16). Ireo loza fito farany ireo dia ho avy aorian'ny
fampanenoana ny trompetra farany, ary alohan'ny famatorana sy
fanagadrana an'i Satana (voalaza ao amin'ny Apokalypsy 20: 1-3).
[Ny amin'ny namatorana an'i Satana, sy ny amin'ny fitsanganana voalohany,
ary ny arivo taona] (Apokalypsy 20:1) « Ary hitako fa,
indro, nisy anjely nidina avy tany an-danitra, nanana ny fanalahidin'ny lavaka
tsy hita noanoa sy gadra lehibe eny an-tànany; »(Apokalypsy 20:2) « dia nisambotra ilay dragona izy (dia ilay
menarana ela, ny devoly sy Satana izany) ka namatotra ary arivo taona, »(Apokalypsy 20:3) « dia nanipy ary
ho amin'ny lavaka tsy hita noanoa ka nanidy izany, dia nanisy tombo-kase teo
amboniny, mba tsy hamitahany ny firenena maro intsony mandra-pahatapitry ny
arivo taona; ary rehefa afaka izany, dia tsy maintsy hovahana kelikely aloha
izy. »
Ny fitsofan’ny anjely ny trompetra fitoavy
any an-danitra dia mampiseho tsikelikely ny fanambarana ireo
fisehoan-javatra izay hitranga mandritry ny vanim-potoan’nyfahatezeran'Andriamanitra, ny
Andron'ny Tompo - taona farany amin'ny
fitondram-panjakana ratsy ataon'ny olombelonatarihin’i Satana. Ity
vanim-potoana fidiran'Andriamanitra an-tsehatra
ity, izay mifarana amin'ny fiverenan'i Kristy,ambaran’ny fitsofana
ny trompetra farany (1 Korintiana 15:45-53, 1 Tesaloniana 4:13-18).
[Ny amin'ny fitsanganan'ny maty](1 Korintiana 15:45) « Ary araka
izany koa no voasoratra hoe: Adama voalohan-dahy natao manan'aina (Gen. 2. 7);
Adama farany natao fanahy mahavelona. »(1 Korintiana 15:46) « Anefa tsy izay amin'ny fanahy no
voalohany, fa izay amin'ny manan'aina, dia vao izay amin'ny fanahy. »(1 Korintiana 15:47) « Ny olona
voalohany avy amin'ny tany, dia tany; ny olona faharoa dia avy any
an-danitra. »(1 Korintiana 15:48) « Izay amin'ny tany dia tahaka ilay
amin'ny tany; ary izay any an-danitra dia tahaka Ilay any an-danitra. »(1 Korintiana 15:49) « Ary toy ny
nitondrantsika ny endriky ny amin'ny tany no hitondrantsika ny endrik'ilay any
an-danitra koa. »(1 Korintiana
15:50) « Fa izao no lazaiko, ry rahalahy: Ny nofo aman-drà tsy mahazo
mandova ny fanjakan'Andriamanitra, ary ny fahalòvana tsy mandova ny
tsi-fahalòvana. »(1 Korintiana
15:51) « Indro, zava-miafina no ambarako aminareo: tsy hodi-mandry
avokoa isika rehetra, »(1
Korintiana 15:52) « fa vetivety, toy ny indray mipi-maso, rehefa
maneno ny trompetra farany, dia hovana isika rehetra; fa hotsofina ny
trompetra, ary ny maty hatsangana tsy ho lò intsony, ary isika hovana. »(1 Korintiana 15:53) « Fa ity mety
lò ity tsy maintsy hitafy ny tsi-fahalòvana, ary ity mety maty ity tsy maintsy
hitafy ny tsi-fahafatesana. »
[Ny hihavian'i Kristy sy ny toetry ny Kristiana izay modi-mandry] (1 Tesaloniana
4:13) « Fa tsy tianay tsy ho fantatrareo, ry rahalahy, ny amin'izay
modi-mandry, mba tsy hahalahelovanareo tahaka ny sasany izay tsy manana
fanantenana. »(1 Tesaloniana 4:14)
« Fa raha inoantsika fa efa maty Jesosy sady efa nitsangana indray, dia
toy izany koa no hitondran'Andriamanitra izay efa nodi-mandry tao amin'i
Jesosy* hiaraka aminy. [* Na: tamin'ny alalan'i Jesosy] » (1 Tesaloniana 4:15) « Fa izao no
lazainay aminareo amin'ny tenin'ny Tompo: isika, izay velona ka mbola mitoetra
mandra-pihavin'ny Tompo, dia tsy mba hialoha izay efa nodi-mandry tsy
akory. »(1 Tesaloniana 4:16)
« Fa ny tenan'ny Tompo no hidina avy any an-danitra amin'ny fiantsoana sy
ny feon'ny arikanjely ary ny trompetran'Andriamanitra, ka izay maty ao amin i
Kristy no hitsangana aloha; »(1
Tesaloniana 4:17) « ary rehefa afaka izany, dia isika izay velona ka
mbola mitoetra no hakarina hiaraka aminy ho eny amin'ny rahona hitsena ny Tompo
any amin'ny habakabaka; dia ho any amin'ny Tompo mandrakariva isika. »(1 Tesaloniana 4:18) « Koa dia
mifampionòna ianareo amin'izany teny izany. »
Ireo no asehon'ny fankalazana isan-taona ny
fetin'ny trompetra. Ity andian’ny hetsika amin'ny fotoana farany
ity, dia mety hanomboka sy hifarana amin'ny Fetin’ny Trompetra, tahaka
izay niseho tany am-boalohany, satria ny Andro Masina tany am-piandohana
dia nianjera tamin'ny fotoan'ireo hetsika nifandray taminy. Na hoana na
ahoana anefa,ny Fetin'ny Trompetra, dia
fampahatsiarovana isan-taona ny hidiran'Andriamanitra an-tsehatra amin'ny
raharahan'izao tontolo izao, ary koa ny
fotoana handovan'ny olo-masina ny fiainana mandrakizay amin’ny voninahitra!