FITSANGANANA FAHATELO SY FAHAFATESANA
FAHAROA
Tenin’Andriamanitra
Ezekiela 18:29-32
Matio 25:24-30
Apokalypsy 20:13-15
Tenin’Andriamanitra
Ezekiela 18:29-32
[Ny famalian’Andriamanitra ny olona arakany asany avy]
Ezekiela 18:29 Nefa hoy ny taranak'Isiraely: Tsy marina ny fitondran*'ny Tompo.
Ry taranak'Isiraely, ny fitondrako* va no tsy marina? Tsy ny fitondranareo* va
no tsy marina?[Heb. lalana] 30 Koa samy hotsaraiko araka ny ataonareo avy ianareo, ry taranak'Isiraely, hoy Jehovah Tompo. Mitodiha,
ka mibebaha amin'ny fahadisoanareo rehetra, dia tsy ho tonga fahatafintohinana
mahameloka anareo intsony izany. 31 Esory ho afaka aminareo ny fahadisoanareo rehetra izay
nataonareo, ka manaova fo vaovao sy fanahy vaovao ho anareo; fa nahoana no ho
faty ianareo, ry taranak'Isiraely? 32 Fa tsy sitrako ny fahafatesan'izay maty, hoy Jehovah Tompo.
Koa mibebaha ianareo mba ho velona.
Matio 25:24-30: Fa nony nanatona kosa ilay nandray ny talenta iray, dia nilaza hœ: Tompoko, fantatro fa olona mila voatsiary ianao, mijinja eny amin'izay tsy namafazanao, ary manangona eny amin'izay tsy nanahafanao; (Matio 25:24) dia natahotra aho ka lasa nandevina ny talentanao tao anatin'ny tany; indry, lasanao ny anao. (Matio 25:25) Ary ny tompony namaly ka nanao taminy hœ: Ry mpanompo ratsy sady malaina, efa fantatrao fa mijinja eny amin'izay tsy namafazako aho, ary manangona eny amin'izay tsy nanahafako; (Matio 25:26) koa tokony ho nampanàna ny volako tamin'ny mpanana vola ianao, ka raha tonga aho, dia ho nandray ny ahy mban-janany. (Matio 25:27) Koa alao aminy ny talenta, dia omeo ilay manana ny talenta folo. (Matio 25:28) Fa izay rehetra manana dia homena, ka hanam-be izy; fa izay tsy manana kosa, na dia izay ananany aza dia halaina aminy. (Matio 25:29) Ary ario ho any amin'ny maizina any ivelany ny mpanompo tsy mahasoa; any no hisy ny fitomaniana sy ny fikitroha-nify. (Matio 25:30)
Apokalypsy 20:13-15: Ary ny ranomasina dia namoaka ny maty tao anatiny; ary ny fahafatesana sy ny fiainan-tsi-hita* namoaka ny maty tao aminy; dia samy notsaraina araka ny asany izy. [* Gr. Hadesy] (Apokalypsy 20:13) Ary ny fahafatesana sy ny fiainan-tsi-hita* dia natsipy tany amin'ny farihy afo. Izany no fahafatesana faharoa, dia ny farihy afo. [* Gr. Hadesy] (Apokalypsy 20:14) Ary raha nisy tsy hita voasoratra teo anatin'ny bokin'ny fiainana, dia natsipy tany amin'ny farihy afo izy. (Apokalypsy 20:15)
TORITENY
Dr.Daniel Rakotondravony, Fiangonan’Andriamanitra
Miray
Ny tanjon’Andriamanitra tamin’ny namoronany ny olombelona dia ny
hahatonga azy ireo ho zanany, handova ny fanjakany sy hiara-mitantana aminy ny
zavatra rehetra noforoniny (Gen 1:26-28).
(Genesisy 1:26) « Ary Andriamanitra nanao hoe: Andeha
Isika hamorona olona tahaka ny endritsika, araka ny tarehintsika ; ary aoka izy
hanjaka amin'ny hazandrano ao amin'ny ranomasina sy ny voro-manidina sy ny biby
fiompy sy ny tany rehetra ary ny biby rehetra izay mandady na mikisaka amin'ny
tany. » (27) « Ary Andriamanitra nahary ny olona tahaka ny endriny; tahaka ny
endrik'Andriamanitra no namoronany azy; lahy sy vavy no namoronany azy. »
(28) « Ary Andriamanitra
nitso-drano azy hoe: Maroa fara sy mihabetsaha ary mamenoa ny tany, ka
mampanompoa azy; ary manjaka amin'ny hazandrano ao amin'ny ranomasina sy ny
voro-manidina ary ny biby rehetra izay mihetsiketsika ambonin'ny tany. »
Raha lazaina amin’ny fomba hafa dia miteraka amin’ny alalan’ny
olombelona Andriamanitra, ary fikasany ny hiarahan’izy ireo mitantana aminy ny
zavaboary noforoniny. (Salamo 82:1-6; Romana 8:17-19)
(Salamo 82:1-9) « [Ny
fitsaran'Andriamanitra ny mpitsara ety an-tany] Salamo nataon'i
Asafa. Andriamanitra dia eo amin'ny Fiangonan'Andriamanitra; ary eo amin'ireo
andriamanitra no itsarany. » (2) « Mandra-pahoviana no
hitsarànareo tsy marina ka ihenaranareo maso ny ratsy fanahy? » (3) « Alaharo ny tenin'ny
mahantra sy ny kamboty; omeo rariny ny ory sy ny malahelo; » (4) « Vonjeo ny mahantra sy
ny malahelo; afaho amin'ny tanan'ny ratsy fanahy izy. » (5) « Tsy mahalala na
mahazo an-tsaina ireny; ao amin'ny maizina no andehanany; mihorohoro ny
fanambanin'ny tany rehetra. » (6) « Hoy izaho: Andriamanitra ianareo, ary zanaky ny Avo
Indrindra ianareo rehetra; » (7) « Kanjo ho faty tahaka
ny olona ihany ianareo, ary samy ho lavo tahaka ny anankiray amin'ny
lehibe. » (8) « Mitsangàna, Andriamanitra ô, tsarao ny
tany; fa Hianao no handova ny firenena rehetra. »
(Romana 8:17-19) « Ary raha zanaka, dia
mpandova; eny, sady mpandova an'Andriamanitra no mpiray lova amin'i Kristy koa,
raha miara-miaritra aminy isika mba hiara-manam-boninahitra aminy koa. » (18) « Fa ataoko fa ny
fahoriana amin'izao andro ankehitriny izao dia tsy tokony hoharina amin'ny
voninahitra izay haseho amintsika. » (19) « Fa izao zavatra ary
rehetra izao dia samy maniry fatratra ka miandry ny fampisehoana ireo
zanak'Andriamanitra; »
Tsy sitrak’i Jehovah ny hahavery mandrakizay ny mpanota; koa dia miantso
azy ireo hibebaka Izy, mba tsy ho tratry ny fahafatesana faharoa (Ezekiela 18:30-32).
30 Koa samy
hotsaraiko araka ny ataonareo avy ianareo,
ry taranak'Isiraely, hoy Jehovah Tompo. Mitodiha,
ka mibebaha amin'ny fahadisoanareo rehetra,
dia tsy ho tonga fahatafintohinana mahameloka anareo intsony izany. 31 Esory ho afaka aminareo ny fahadisoanareo rehetra izay
nataonareo, ka manaova fo vaovao sy fanahy vaovao ho anareo;
fa nahoana no ho faty ianareo, ry taranak'Isiraely? 32 Fa tsy sitrako ny fahafatesan'izay maty, hoy Jehovah Tompo.
Koa mibebaha ianareo mba ho velona.
Tsy
maintsy ateraka indray anefa izy vao ho tanteraka izany. (Jao 3:3-8)
(Jaona 3:3) « Jesosy namaly ka
nanao taminy hoe: Lazaiko aminao marina dia marina tokoa: Raha tsy ateraka
indray* ny olona, dia tsy mahazo mahita ny fanjakan'Andriamanitra. [*Na:
ateraka avy any ambony] » (4) « Hoy Nikodemosy taminy: Hataon'ny
olona ahoana no hateraka rehefa lehibe; moa mahazo miditra any an-kibon-dreniny
indray va izy ka hateraka? » (5) « Jesosy namaly hoe: Lazaiko aminao
marina dia marina tokoa: Raha misy olona tsy ateraky ny rano sy ny Fanahy, dia
tsy mahazo miditra amin'ny fanjakan'Andriamanitra izy. » (6) « Izay ateraky ny
nofo dia nofo; ary izay ateraky ny Fanahy dia fanahy. » (7) « aza gaga noho ny
nilazako taminao hoe: Tsy maintsy hateraka indray* ianareo. [*Na: hateraka avy
any ambony] » (8) « Ny rivotra mitsoka amin'izay tiany,
ary renao ny feony, nefa tsy fantatrao izay ihaviany na izay alehany, dia
tahaka izany izay rehetra ateraky ny Fanahy. »
Matio 25:24-30
[Ny fanoharana ny amin’ny talenta]
Matio 25:24 Fa nony nanatona kosa ilay nandray ny talenta iray, dia nilaza
hoe: Tompoko, fantatro fa olona mila voatsiary hianao, mijinja eny amin'izay
tsy namafazanao, ary manangona eny amin'izay nanahafanao; 25 dia
natahotra aho ka lasa nandevina ny talentanao tao anatin'ny tany; indry,
lasanao ny anao. 26 Ary ny tompony namaly ka nanao taminy hoe:
Ry mpanompo ratsy sady malaina, efa fantatrao fa mijinja eny amin'izay tsy
namafazako aho, ary manangona eny amin'izay tsy nanahafako; 27 koa
tokony ho nampanàna ny volako tamin'ny mpanàna vola hianao, ka raha tonga aho,
dia ho nandray ny ahy mban-janany. 28 Koa alao aminy ny
talenta, dia omeo ilay manana ny talenta folo. 29 Fa izay
rehetra manana dia homena, ka hanam-be izy; fa izay tsy manana kosa, na dia
izay ananany aza dia halaina aminy. 30 Ary ario ho any amin'ny maizina any ivelany ny mpanompo tsy
mahasoa; any no hisy ny fitomaniana sy ny fikitroha-nify.
Tahaka ilay mpanompo tsy
nanao na inona na inona tamin'ny talentany (Mat. 25: 24-30), ny olona sasany dia tsy
hahomby amin'ny fikasan'Andriamanitra ho azy ireo. Koa hanjary voahazona
izy ireo noho ny tsy firaharahany sy ny fahotany, ary na inona na inona azon'Andriamanitra atao mba hanandrana
manitsy azy ireo, dia tsy te hibebaka mihitsy izy!
Andriamanitra manome ho
an’ny tsirairay ny fanampiana rehetra, ny fampaherezana, ary ny fomba
hampahomby azy, izay ilainy handovana ny fiainana mandrakizay. Tsy hitsahatra manampy olona mihitsy Andriamanitra! Ireo olona ireo
kosa anefa dia miala amin'Andriamanitra! Angamba
noho ny fangidiana, na ny fandavana hamela ny heloky ny hafa, na ny tsy
firaharahana ny vavaka sy ny fianarana Baiboly, dia natsahatr’izy ireo ny
famelana an'Andriamanitra hamorona toetra-panahy tsara ao anatiny! Asehon'izy ireo amin'ny ataony ary fa tsy tena
maniry ny hanana fiainana mandrakizay ao amin'ny Fianakavian'Andriamanitra izy
ireo.
è Ary noho izany, amin'ny fitiavana, dia tsy
homen’Andriamanitra fiainana mandrakizay izy!
Apokalypsy 20:13-15
[Ny fitsanganana amin’ny maty fahatelo sy
ny fahafatesana faharoa]
(Apokalypsy 20:13) « Ary ny ranomasina dia
namoaka ny maty tao anatiny; ary ny fahafatesana sy ny fiainan-tsi-hita*
namoaka ny maty tao aminy; dia samy notsaraina araka ny asany izy. [* Gr.
Hadesy] » (Apokalypsy 20:14) « Ary ny fahafatesana sy ny
fiainan-tsi-hita* dia natsipy tany amin'ny farihy afo. Izany no fahafatesana
faharoa, dia ny farihy afo. [* Gr. Hadesy] » (Apokalypsy 20:15)
« Ary raha nisy tsy hita voasoratra teo anatin'ny bokin'ny fiainana,
dia natsipy tany amin'ny farihy afo izy. »
Inona no fahotana tsy ahazoana
famelan-keloka? Ny olona minia manota
rehefa nahazo ny fahalalana tsara ny marina, dia tsy mahazo famelan-keloka (Hebreo
10:26). Nahazo fahalalana ara-panahy ny làlan'Andriamanitra sy
nahazo ny fitahian'izany fomba izany, nefa manapa-kevitra fa tsy mila izany
intsony izy, manova ny toe-tsainy, minia misafidy fiainana hikomy, manao
tsinontsinona ny lalàn'Andriamanitra, dia tsy hahazo famelan-keloka,
satria tsy hibebaka amin'izany izy! Andriamanitra tsy hanome
fiainana mandrakizay ho an'izay miziriziry amin’ny fomba fiainan'i Satana.
Atsangana amin’ny maty izy, saingy dorana avy hatrany ao amin’ny farihy afo. Izany no fitsanganana fahatelo sy fahafatesana faharoa, izay hitranga
aorian'ny famonjena izay rehetra azo vonjena.
(Hebreo 10:26) « Fa raha minia manota isika rehefa nahazo
ny fahalalana tsara ny marina, dia tsy misy fanatitra noho ny ota intsony. »
SEKOLY SABATA
Andriamanitra Mahery Indrindra, amin'ny
fahendreny, dia nandahatra ny fomba tsara indrindra ho an'ny olombelona,
amin'ny fotoana rehetra sy ny firenena, mba hahazoana famonjena sy handova ny
fiainana mandrakizay ao amin'ny Fianakaviany.
Ny Planin’Andriamanitra dia tsotra sy mahomby;
ary amin’ny dingana roa farany amin’io Planina io, ny ankamaroan'ny olombelona
rehetra dia hibebaka amin'ny ota, ary hitodika amin'Andriamanitra, ary hanaiky
ny fitarihany sy ny fitondrany.
Saingy na izany aza, tsy azo antoka ho an’ny
rehetra ny famonjena. Amin'ny olona rehetra eto an-tany, dia vitsy ny olona tsy
hahomby amin'ny Planin'Andriamanitra. Tsy hahomby izy ireo satria mihirimbelona
amin’ny làlany, izany hoe ny làlan'ny fahafatesana (Ohab. 14:12). Izy
ireo dia maharitra amin'ny fiainana feno fikomiana sy mpanota, mahatonga ny
tenany sy ireo manodidina azy ho fadiranovana.
(Ohabolana 14:12) « Misy lalana ataon'ny olona ho mahitsy, kanjo
lalana mivarina any amin'ny fahafatesana no iafarany. »
1. Ireo olona
nantsoin'Andriamanitra handray ny fahalalana momba ny famonjena ka manota
an-tsitrapo dia tsy homena fotoana faharoa famelan-keloka. Heb 10: 26-29; 6:
4-6.
(Hebreo 10:26) « Fa raha minia manota isika rehefa nahazo
ny fahalalana tsara ny marina, dia tsy misy fanatitra noho ny ota intsony, »
(Hebreo 10:27) « fa fiandrasana mahatahotra amin'ny fitsarana ary
fahatezerana mirehitra izay handany ny fahavalo rehetra kosa. » (Hebreo
10:28) « Izay manohitra ny lalàn'i Mosesy dia maty amin'ny tenin'ny
vavolombelona roa na telo ka tsy asiana famindram-po; » (Hebreo 10:29)
« manao ahoana kosa ary no hamafin'ny fampijaliana ataonareo tokony
hihatra amin'izay nanitsaka ny Zanak'Andriamanitra ka nanao ny ran'ny fanekena
izay nanamasinana azy ho zavatra tsy masina sady naniratsira ny Fanahin'ny
fahasoavana? »
(Hebreo 6:4) « Fa izay efa nohazavaina indray mandeha sady
efa nanandrana ny fanomezana avy any an-danitra sy efa nandray ny Fanahy Masina »
(Hebreo 6:5) « ary efa nanandrana ny teny tsaran'Andriamanitra sy
ny herin'ny fiainana ho avy, » (Hebreo 6:6) « nefa nihemotra,
dia tsy azo havaozina indray ho amin'ny fibebahana, satria manombo ny
Zanak'Andriamanitra indray amin'ny hazo fijaliana ka manao Azy ho
fahamenarana. »
Mihatra izany famaizana izany, rahanahafantatra
mialoha ny fahamarinan'Andriamanitra izy ireo. Heb 10:26.
(Hebreo 10:26) « Fa raha minia manota isika rehefa nahazo ny
fahalalana tsara ny marina, dia tsy misy fanatitra noho ny ota intsony. »
Fanamarihana:
Havelan’Andriamanitra ny fahotana rehetra izay nibebahana - na dia
niverimberina ny fahotana noho ny fahalemena, na ny fakampanahy, na ny
fahazarana. Raha toa ny faniriana sy ny eritreritra ary ny toetry ny olona iray
dia ny hankatò an'Andriamanitra, ka mibebaka izy, dia hamela ny helony
Andriamanitra (I Jaona 1: 9).
(1 Jaona 1:9) « Raha miaiky ny fahotantsika isika, dia mahatoky sy
marina Izy ka mamela ny fahotantsika sy manadio antsika ho afaka amin'ny
tsi-fahamarinana rehetra. »
Nilaza i Jesosy fa tokony hamela ny heloky ny
rahalahintsikahatramin’ny impito amby fito-polo isika (Mat. 18: 21-22).
(Matio 18:21) « Dia nanatona Petera ka nanao taminy hoe: Tompoko,
impiry moa no hanotan'ny rahalahiko amiko, ka havelako izy? Hatramin'ny impito
va? »(Matio 18:22) « Fa hoy Jesosy taminy: Tsy lazaiko aminao hoe:
Hatramin'ny impito, fa hatramin'ny impito amby fito-polo*.[*Na: fito-polo
impito] »
Mbola mamela heloka bebe kokoa noho izany
Andriamanitra!
Ka inona ilay fahotana tsy ahazoana famelan-keloka?
Raha nahazo fahalalana ara-panahy ny làlan'Andriamanitra ny olona iray, ka
nahazo ny fitahian'izany fomba izany, nefa manapa-kevitra fa tsy mila izany
intsony izy, manova ny toe-tsainy, minia misafidy fiainana hikomy, manao
tsinontsinona ny lalàn'Andriamanitra, dia tsy azo avela ny fahotany,
satria tsy hibebaka amin'izany izy! Andriamanitra tsy hanome
fiainana mandrakizay ho an'izay miziriziry amin’ny fomba fiainan'i
Satana.
Ny olona toy izany dia nantsoin'Andriamanitra
manokana sy nomena ny Fanahiny, saingy tamin'ny fotoana manaraka dia ninia
nanota, ary ninia nandà izany Fanahin’Andriamanitra izany! Angamba noho ny
fangidiana, na ny fandavana hamela ny heloky ny hafa, na ny tsy firaharahana ny
vavaka sy ny fianarana Baiboly, dia natsahatr’izy ireo ny famelana
an'Andriamanitra hamorona ny toetrany ao anatiny.
Tahaka ilay mpanompo tsy nanao na inona na inona
tamin'ny talentany (Mat. 25: 24-30), ny
sasany dia tsy nahomby tamin'ny fikasan'Andriamanitra ho azy ireo. Izy ireo dia
nanjary voahazona tamin'ny tsy firaharahany sy ny fahotany, ary na inona na
inona azon'Andriamanitra atao mba hanandrana manitsy azy ireo, dia tsy te
hibebaka mihitsy izy ireo.
Omen’Andriamanitra ho an’ny tsirairay ny
fanampiana rehetra, ny fampaherezana, ary ny fahafahana mahomby, izay ilainy
handovana ny fiainana mandrakizay. Tsy hitsahatra manampy olona mihitsy
Andriamanitra! Ireo olona ireo kosa anefa dia miala amin'Andriamanitra!
Asehon'izy ireo amin'ny ataony fa tsy tena maniry ny hanana fiainana
mandrakizay ao amin'ny Fianakavian'Andriamanitra izy ireo; ary noho izany,
amin'ny fitiavana, dia tsy hanome azy ireo fiainana mandrakizay Andriamanitra.
Mba hiantohana ny fandriampahalemana, ny
fanambinana, ny fahasambarana ary ny fahombiazana mandritry ny mandrakizay, dia
tsy avelan'Andriamanitra ireto olona tia tena ireto hanao fiainana ratsy ho
an'ny hafa manodidina azy. Na dia tsy ankasitrahan'Andriamanitra tokoa ny
fahafatesan'ny ratsy fanahy (Ezek 18: 31-32), ireo olona mpanota ireo
dia tokony hesorina. Tsy tokony havela hanimba ny fahasambarany sy an’ny
olon-kafa intsony izy ireo. Aoka ho azontsika ny zavatra hitranga amin'izy ireo
aorian'ny Fitsaran’ilay Seza Fiandrianana Fotsy Lehibe.
2. Aorian'ny fizahan-toetra 100 taona, moa ve
ireo vitsy izay miziriziry ho maditra dia ho voaozona? Isa. 65:20.
(Isaia 65:20) « Ary na dia ny zaza minono any aza dia tsy ho fohy
andro, ary tsy hisy anti-panahy izay tsy nahatapitra ny androny; fa mbola
zatovo ihany izay maty na dia efa zato taona aza, ary ny mpanota aza,
dia hahatratra zato taona vao hozonina*.[Na: Ary ny mpanota izay mahatratra
zato taona ihany dia hatao ho voaozona] »
Inona no hitan'ny Apostoly Jaona niseho avy
hatrany rehefa vita ny fotoam-pitsapana farany? Apok. 20: 13-15.
(Apokalypsy 20:13) « Ary ny ranomasina dia
namoaka ny maty tao anatiny; ary ny fahafatesana sy ny fiainan-tsi-hita*
namoaka ny maty tao aminy; dia samy notsaraina araka ny asany izy. [*
Gr. Hadesy] » (Apokalypsy 20:14) « Ary ny fahafatesana sy ny
fiainan-tsi-hita* dia natsipy tany amin'ny farihy afo. Izany no fahafatesana
faharoa, dia ny farihy afo. [* Gr. Hadesy] » (Apokalypsy 20:15)
« Ary raha nisy tsy hita voasoratra teo anatin'ny bokin'ny fiainana,
dia natsipy tany amin'ny farihy afo izy. »
Fanamarihana: Izany no fitsanganana fahatelo. Hitranga izany
aorian'ny famonjena izay rehetra azo vonjena.
Ireo ratsy fanahy rehetra izay nandika an-tsitrapo ny lalan'Andriamanitra ary
maty tamin'ny fahotany dia hatsangana amin'ny fiainana ara-batana. Hita
miharihary ny toe-tsain'izy ireo. Tsy hisy hitaky mihitsy ireo olona ireo hoe
voaheloka tsy ara-drariny. Tsy hisy hibebaka na iray amin'izy ireo. Hiseho eo
anoloan'ny toeram-pitsaran'i Kristy izy ireo mba hahazoany ny sazin’ny
fahafatesana ao amin'ny farihy afo. Izany no
fahafatesany faharoa. Tsy hitsangana amin'ny maty intsony izy ireo.
3. Moa ve ireo rehetra izay
mandà tsy hibebaka, ary ireo izay miziriziry amin'ny fandikana ny
didin'Andriamanitra hahita ny tenany ao anaty farihy "afo sy
solifara"? Apok. 21: 8; Dan. 12: 2; Mal. 4: 1-3.
(Apokalypsy 21:8) « Fa ny osa sy ny tsy mino sy ny vetaveta sy ny
mpamono olona sy ny mpijangajanga sy ny mpanao ody ratsy sy ny mpanompo sampy
ary ny mpandainga rehetra dia hanana ny anjarany ao anatin'ny farihy mirehitra
afo sy solifara; izany no fahafatesana faharoa. »
(Daniela 12:2) « Ary maro amin'izay matory ao amin'ny vovoky ny
tany no hifoha: ny sasany ho amin'ny fiainana mandrakizay, ary ny sasany ho
amin'ny henatra sy ny latsa mandrakizay. »
(Malakia 3:19) « Fa, indro, avy ny andro, mandoro toy na fatana
fandoroana izy; ary ny mpirehareha rehetra sy ny mpanao ratsy rehetra dia ho
vodivary; ka dia handoro azy ny andro izay ho avy, hoy Jehovah, Tompon'ny maro,
ka tsy hasiany miangana, na ny fakany na ny sampany. »(Malakia 3:20)
« Ary hiposaka aminareo, izay matahotra ny anarako, ny Masoandron'ny
fahamarinana, manana fanasitranana ao amin'ny tanany*; ary hivoaka ianareo ka
hifalihavanja toy ny zanak'omby mifahy; [Heb. elany] »(Malakia 3:21)
« ary hohitsahinareo ny ratsy fanahy; fa ho lavenona eo ambanin'ny
faladianareo izy amin'ny andro izay hotendreko, hoy Jehovah, Tompon'ny
maro. »
Fanamarihana: Nilaza i
Jesosy fa ny hiafaran'ireo ratsy fanahy dia ho any amin’ny afon’i gehena (Marka
9: 43-48).
(Marka 9:43) « Ary raha ny tananao no manafintohina anao, tapaho
izy; fa tsara ho anao ny hiditra kilemaina any amin'ny fiainana noho ny manana
tanana roa, nefa hariana any amin'ny helo*, dia any amin'ny afo tsy azo
vonoina. [* Gr. Gehena] » (Marka 9:44) « * [* Ampio hoe: any amin'ny
kankana tsy maty, ary ny afo tsy vonoina] » (Marka 9:45) « Ary raha
ny tongotrao no manafintohina anao, tapaho izy; fa tsara ho anao ny hiditra
mandringa any amin'ny fiainana noho ny manana tongotra roa, nefa hariana any
amin'ny helo. » (Marka 9:46) « * [*Ampio hoe: any amin'ny afo tsy azo
vonoina; any ny kankany tsy maty, ary ny afo tsy vonoina] » (Marka 9:47)
« Ary raha ny masonao no manafintohina anao, esory hiala izy: fa tsara ho
anao ny hiditra toka-maso amin'ny fanjakan'Andriamanitra noho ny manana maso
roa, nefa hariana any amin'ny helo; » (Marka 9:48) « any ny kankany
tsy maty, ary ny afo tsy vonoina. »
Ny afon’i Gehena sy ny farihy afo dia mitovy.
Mety hanana endrika farihy mirehitra afo io afo io. Maty indray mandeha ny
olona iray dia izay, satria rehefa avy eo izy, na velona mandrakizay, na maty
mandrakizay (Heb. 9:27).
(Hebreo
9:27) « Ary tahaka ny nanendrena ny olona ny ho faty indray mandeha, ary
rehefa afaka izany, dia hisy fitsarana. » è Atsangana
amin’ny maty ilay olona vao afaka ho tsaraina, fa tsy misy fitsarana azo atao
amin’ny faty!
Fa raha misy maty amin’ny fahafatesana faharoa
aorian'ny vanim-potoana 100 taona, dia hotsarain'Andriamanitra sy Kristy izy ka
meloka noho ny tsy fankatoavana maharitra, sy ny fikomiana tsy azo ahitsy. Ny
fahafatesana faharoa dia ho mandrakizay!
Aorian'ny vanim-potoana Fitsaran’ilay Seza
Fiandrianana Fotsy Lehibe, ny olona rehetra dia efa nanana fotoana feno
nanaporofoana ny tenany. Ny maro an'isa dia efa
nanolo-tena ho an'Andriamanitra, ary handray ny fanomezana fiainana
mandrakizay. Talohan’ny Fiavian'i Kristy Fanindroany, dia an-jatony tapitrisa ireo izay mendrika hanana
andraikitra amin'ny fanjakan'Andriamanitra; olona an-tapitrisany maro kosa ireo izay hanana andraikitra
mitovy amin'izany mandritry ny fitondran’i Kristy arivo taona eto
an-tany; ary an'arivony tapitrisa
ireo izay mahafeno fepetra mandritry ny fe-potoana 100 taona fitsarana
farany. Ireo rehetra ireo dia ho mpikambana ao amin’ny
Fianakavian'Andriamanitra ara-panahy.
Ny vitsy an'isa mpikomy tsy nibebaka
dia hihaona amin'ny Mpitsara azy amin'ny fitsanganana
fahatelo. Ho faranana ny fiainan'izy ireo tsy maharitra. Ny farihy afo dia handany azy “vatana sy
fanahy”, miaraka amin’ny asa ratsin'izy ireo, sy ny tarehin’ny tany manontolo.
Ireo izay nahazo fiainana ara-panahy ihany no ho
afaka mandositra ity fandringanana eran-tany ity, izay handevona ny rehetra
mety simba ara-batana. Izay rehetra sisa amin'ireo ratsy fanahy sy ny
tontolony dia ho lavenona eo ambany tongotr'ireo zanak'Andriamanitra nateraky
ny Fanahy.
4. Inona no zava-nitranga
ara-tantara nampitahain’ny Apostoly Petera amin’ity farihy afo mandevona izao
tontolo izao ity? II Pet. 3: 5-7, 10-12
(2 Petera 3:5) « Fa minia jamba ireo ka tsy mahalala fa nisy
hatramin'ny ela ny lanitra, ary nisy tany koa, izay niseho avy tamin'ny rano,
sady rano no nanaovana azy tamin'ny tenin'Andriamanitra, » (2 Petera 3:6)
« ary rano koa no nandravana izao rehetra izao taloha tamin'ny
nanasaforany azy; » (2 Petera 3:7) « fa izao lanitra sy tany
ankehitriny izao dia hazonin'izany teny izany ho amin'ny afo ka tehirizina ho
amin'ny andro fitsarana sy fandringanana ny ratsy fanahy. »
(2 Petera 3:10) « Fa ho avy tahaka ny mpangalatra ny andron'ny
Tompo, ary amin'izany ny lanitra dia ho lasa amin'ny firimorimoana mafy, ary ho
levon'ny afo ny tenan'ny zavatra rehetra*, ka hodorana avokoa ny tany sy ny asa
izay eo aminy. [* Na: ny masoandro sy ny volana ary ny kintana] » (2
Petera 3:11) « Koa raha ho levona toy izany izao zavatra rehetra izao, dia
olona tokony hanao ahoana moa ianareo amin'ny fitondran-tena masina sy ny
toe-panahy araka an'Andriamanitra, » (2 Petera 3:12) « sady manantena
no mampahafaingana* ny hihavian'ny andron'Andriamanitra, izay hahamay sy
hahalevona ny lanitra ary handoro sy hampiempo ny tenan'ny zavatra rehetra*! [*
Na: maniry mafy] »
Andriamanitra ve no nandringana ny olona tsy
nankasitraka azy tamin'ny fiarahamonina tamin'ny andron'i Noa? Gen. 6: 12-13.
(Genesisy 6:12) « dia hitan'Andriamanitra ny tany, ka, indro, efa
simba izy; fa ny nofo rehetra samy efa nanimba ny lalany avy tambonin'ny
tany. » (Genesisy 6:13) « Dia hoy Andriamanitra tamin'i Noa: Ny
faran'ny nofo rehetra efa mby eto anatrehako, satria efa heni-doza ny tany noho
ny amin'olona, ka, indro, efa handringana azy mbamin'ny tany Aho. »
Nefa ve Andriamanitra namonjy an'i Noa marina sy
ny fianakaviany? Genesisy 6:9, 18,22; Gen. 7: 1
(Genesisy 6:9) « Ary izao no tantaran'i Noa: Noa dia lehilahy
marina sady tsy nisy tsiny teo amin'ny olona niara-belona taminy; eny,
niara-nandeha tamin'Andriamanitra Noa. »
(Genesisy 6:18) « Nefa kosa haoriko ny fanekeko aminao; ary hiditra
ao anatin'ny sambo-fiara ianao sy ny vadinao aman-janakao mbamin'ny vinantonao
vavy miaraka aminao. »
(Genesisy 6:22) « Dia nataon'i Noa izany; araka izay rehetra
nandidian'Andriamanitra azy no nataony. »
(Genesisy 7:1) « Ary hoy Jehovah tamin'i Noa: Midira ao anatin'ny
sambo-fiara ianao mbamin'ny ankohonanao rehetra, satria ianao no hitako fa
marina eo anatrehako amin'izao olona miara-belona aminao izao. »
5. Moa ve i Jaona Mpanao Batisa
nanambara mialoha ny fanaovana batisa anaty afo? Mat. 3:11
(Matio 3:11) « Izaho dia manao batisa anareo amin'ny rano ho
amin'ny fibebahana; fa Ilay avy ao aoriako no mahery noho izaho, ka tsy
miendrika hitondra ny kapany aza aho; Izy
Fanamarihana: Ny batisa dia midika fandrobohana, ary ny batisa amin'ny afo dia ho fandrobohana anaty afo. Tahaka an’izao tontolo izao talohan'i Noa natao "batisa" nalentika tao anaty rano, dia toy izany koa, izao tontolo izao "hatao batisa amin'ny afo" rehefa feno ny Planin’Andriamanitra. Hodiovina amin'ny fahalotoan’ny ota ny tany rehetra, amin’ny alalan’ny batisan'ny afo.