Sabata mialoha ny Andro Fanavotana
ANDRO FANAVOTANA
FANDROAHANA AN’I
AZAZELA
TENIN’ANDRIAMANITRA
Ezekiela 28:
11–17
Lioka 8:26-36
Apokalypsy 20:
1-3
TENIN’ANDRIAMANITRA
Ezekiela
28: 11–19
[Faminaniana ny amin’ny mpanjkan’i Tyro]
(Ezekiela 28:11)
« Ary tonga tamiko ny tenin'i Jehovah nanao hoe: » (Ezekiela 28:12)
« Ry zanak'olona, manaova hira
fahalahelovana ny amin'ny mpanjakan'i Tyro, ka lazao aminy hoe: Izao no
lazain'i Jehovah Tompo: Ry ilay mahatanteraka* ny rafitra tsara tarehy tonga
marika sady feno fahendrena no tena tsara tarehy,[Heb. manisy
tombon-kase] » (Ezekiela 28:13) « Tany
Edena, sahan'Andriamanitra, ianao; Ny vato soa rehetra no eloelo teo amboninao,
dia ny karneola, ny topaza, ny onyksa, ny krysolita, ny beryla, ny jaspy, ny
safira, ny robina, ny emeralda ary ny volamena; Ny fampanenoana ny
ampongatapakao sy ny sodinao* dia tao aminao, tamin'ny andro namoronana anao
dia natao koa ireo.[Na: vehivavy] » (Ezekiela 28:14) « Hianao dia kerobima voahosotra izay
manaloka, fa voatendriko ianao; Tao an-tendrombohitra masin'Andriamanitra
ianao; Tao amin'ny vato mirehitra no nitsangantsangananao. »
(Ezekiela 28:15) « Tsy nanan-tsiny ianao tamin'ny nalehanao hatramin'ny
andro namoronana anao ka mandra-pahita heloka tao aminao. » (Ezekiela
28:16) « Noho ny habetsahan'ny varotra nataonao dia nofenoina loza tao
aminao, ka nanota ianao; Ary dia nolotoiko ka nariako niala
tamin'ny tendrombohitr'Andriamanitra ianao, Ary nosimbako ianao, ry kerobima
manaloka, hiala tao amin'ny vato mirehitra. » (Ezekiela 28:17) « Niavonavona ny fonao noho ny hatsaran-tarehinao;
Efa nahasimba ny fahendrenao mbamin'ny famirapiratanao ianao; Nazerako eny
an-tany ianao sady natolotro ho fitalanjonan'ireo mpanjaka. »
(Ezekiela 28:18) « Noho ny haben'ny helokao tamin'ny tsi-fahamarinan'ny
varotrao, dia voalotonao ny fitoeranao masina; Koa izany no hamoahako afo avy
ao aminao handevona anao, ary hataoko tonga lavenona eny ambonin'ny tany ianao
eo imason'izay rehetra mijery anao. »
(Ezekiela
28:19) « Ny firenena rehetra izay mahalala anao dia ho gaga anao; Ho tonga
fampitahorana ianao ary tsy ho ao intsony mandrakizay. »
Lioka 8:26-36
[Ny namoahan’i Jesosy demonia maro tamin’ny lehilahy anakiray tany
amin’ny tanin’ny Gerasena]
(Lioka 8:26) « Dia nitody tany amin'ny tanin'ny
Gerasena* izay tandrifin'i Galilia izy.[*Na: (Gadarena)] » (Lioka 8:27)
« Ary raha niala nankeny an-tanety Jesosy,
dia nifanena taminy ny lehilahy anankiray avy
tao an-tanàna, izay efa nanana demonia, ary efa ela izy no tsy nitafy lamba
sady tsy nitoetra tao an-trano, fa teny amin'ny fasana. »(Lioka 8:28)
« Fa nony nahita an'i Jesosy izy, dia niantso mafy sady niankohoka teo
anatrehany ka niteny tamin'ny feo mahery hoe: Moa mifaninona akory Hianao,
Jesosy, Zanak'Andriamanitra Avo Indrindra ô? masina Hianao, aza mampijaly ahy. »(Lioka
8:29) « Fa Izy nandidy ny fanahy maloto
hivoaka tamin-dralehilahy. Fa efa nahazo azy ela izany; ary efa nafatotra tamin'ny gadra, na ny
tànany, na ny tongony, ka nambenana izy; nefa notapahiny ny fatorana, ka dia
nentin'ny demonia niriotra nankany an-efitra izy. »(Lioka 8:30)
« Ary Jesosy nanontany azy ka
nanao hoe: Iza moa no anaranao? Dia hoy izy: Legiona; fa demonia maro no efa
niditra tao anatiny. »(Lioka 8:31) « Ary nifona taminy izy mba tsy handidiany azy hankany amin'ny lavaka tsy
hita noanoa. »(Lioka 8:32) « Ary nisy kisoa maro andiany iray
nandrasana teny an-tendrombohitra, ary ny demonia nifona taminy mba havelany
hiditra ao anatiny. Dia nekeny. »(Lioka 8:33) « Ary ny demonia, rehefa nivoaka tamin-dralehilahy, dia niditra tao
anatin'ny kisoa; ary ireo kisoa andiany
ireo nitratrevatreva tamin'ny hantsana ho any amin'ny farihy, ka dia maty* tany.[*Gr.
kenda] »(Lioka 8:34) « Ary nony hitan'ny mpiandry izany natao izany,
dia nandositra izy ka nilaza izany tao an-tanàna sy tany an-tsaha. »(Lioka
8:35) « Dia nivoaka ny olona mba hizaha izany natao izany; ary tonga
tany amin'i Jesosy izy, dia nahita an-dralehilahy izay efa nivoahan'ny demonia,
fa indro izy nipetraka teo anilan'ny tongotr'i Jesosy nitafy lamba sady ary
saina; dia raiki-tahotra ireo. »(Lioka 8:36) « Ary izay efa
nahita dia nanambara tamin'ny olona ny namonjena an'ilay demoniaka. »
Apokalypsy 20: 1-6
[Ny amin'ny
namatorana an'i Satana, sy ny amin'ny fitsanganana voalohany, ary ny arivo
taona]
(Apokalypsy 20:1) « Ary hitako fa, indro, nisy anjely
nidina avy tany an-danitra, nanana ny
fanalahidin'ny lavaka tsy hita noanoa sy gadra lehibe eny an-tànany; »(Apokalypsy
20:2) « dia nisambotra ilay dragona izy (dia ilay menarana
ela, ny devoly sy Satana izany) ka namatotra ary arivo taona, »(Apokalypsy
20:3) « dia nanipy ary ho amin'ny lavaka tsy hita
noanoa ka nanidy izany, dia nanisy tombo-kase teo amboniny, mba tsy hamitahany
ny firenena maro intsony mandra-pahatapitry ny arivo taona; ary rehefa afaka izany, dia tsy maintsy hovahana
kelikely aloha izy. »(Apokalypsy
20:4) « Ary nahita seza fiandrianana maro aho, ary nisy nipetraka teo
amboniny, ary nomena fahefana hitsara izy; ary hitako koa ny fanahin'izay
notapahin-doha noho ny filazana an'i Jesosy sy ny tenin'Andriamanitra sy izay
rehetra tsy niankohoka teo anoloan'ny bibi-dia na teo anoloan'ny sariny ary tsy
nandray ny marika ho eo amin'ny handriny na ho eo amin'ny tànany; ary velona izy ka niara-nanjaka tamin'i Kristy arivo
taona. »(Apokalypsy
20:5) « Fa ny sisa amin'ny maty dia tsy mbola velona mandra-pahatapitry ny
arivo taona.Izany no fitsanganana voalohany. »(Apokalypsy 20:6) « Sambatra sy masina izay
manana anjara amin'ny fitsanganana voalohany; ireo
tsy mba ananan'ny fahafatesana faharoa fahefana,fa ho mpisoron'Andriamanitra sy Kristy ireo
ka hiara-manjaka aminy arivo taona. »
TORITENY
FANAZAVANA
Ny Levitikosy 16 dia mamaritra ny fombafomba manokana izay
nandidian'Andriamanitra ny Isiraely hotanterahina isan-taona amin'ny Andro
Fanavotana. Ny fanazavana momba io fety io, izay tarihin'ny Mpisoronabe,
dia zava-dehibe amin'ny fahatakarantsika ny dikan'io andro masina io.
Betsaka ny Kristiana no mihevitra fa ankehitriny dia
misy "fifaninanana lehibe" eo amin'Andriamanitra sy ny devoly. Mihevitra izy ireo fa miady izay hanana ny fanahin'ny
olombelona Andriamanitra sy i Satana. Raha
izany no izy, dia ambara tsotra izao fa mandresy lavitra i Satana! Tsy misy anefa ny fifaninanana toy izany.Rehefa miverina
eto an-tany i Jesosy Kristy, afaka taona vitsy, dia hesoriny i Satana, ary hotereny
handeha any amin’ny toerana tsy
hahafahany mamitaka ireo firenena intsony. Rehefa vita izany dia hamonjy
marina an'izao tontolo izao i Kristy mba. Ny fanilihan'i Kristy an'i Satana, voatantara ao amin'ny Apokalypsy 20:
1-3, dia hazavain’ny tandindona ambaran'ny fandroahana an’i Azazela voalaza ao
amin'ny Levitikosy 16.
Ao
amin'ny Levitikosy 16, dia nasaina
nifidy osy roa i Arona ary hitondra
azy ho eo amin'ny vavahadin'ny tranolay amin'ny Andro Fanavotana. Atao ny
filokana mba hanendrena osilahy iray ho an'i Jehovah, ary ny iray ho an'i
Azazela. Ny osilahy ho an'i
Jehovah dia novonoina, ary ny ràny nentin’ny mpisoronabe niditra tao amin'ny
Fitoerana Masina, nafafiny teo amin'ny rakotra fanaovam-panavotana,
hanao fanavotana. Avy eo, ny mpisoronabe dia nametraka ny tanany teo amin'ny lohan'ilay
osilahy ho an'i Azazel, ary niaiky taminy ny fahotan'ny firenena rehetra.
Ary nisy lehilahy iray voatendry handroaka velona io osilahin’iy Azazela io
any amin'ny toerana lavitra sy tsy misy olona.
Iza Moa Azazela?
Nylovantsofina jiosy dia manondro an'i Azazel ho ilay anjely lavo
- anarana iray hafa ho an'i Satana! Mifanaraka
indrindra amin'ny fandroahana an’i Azazela voalaza ao amin'ny Levitikosy 16
izany, izay ambaran'ny fanatanterahana izany ao amin'ny Apokalypsy 20.
Ny osy
voafidy ho an'i Jehovah dia maneho an'i Jesosy Kristy, izay nandatsaka ny
rany handoavana ny onitra noho ny fahotan'ny olombelona. Ary tahaka
ny osy natao
sorona maneho an'i Kristy manolotra ny tenany ho antsika, dia toy izany koany mpisoronabe
mitondra ra eo alohan'ny rakotra fanaovam-panazavana maneho i Jesosy
Kristynitsangana tamin’ny maty,
mitsangana eo anatrehan'ny Ray, mba hankasitrahana ny sorona nataony.Fa
tsy mijanona hatreo ny tantara. Satria nandoa onitra i Jesosy Kristy
noho ny fahotan'ny olombelona voafitaka, ny fahamarinana avy amin'Andriamanitra dia mitaky ny tompon'andraikitra amin'ny ota handray ny vokatry ny
andraikiny. Amin'ny fametrahan’ny mpisoronabe ny tanany amin'ny
lohahn’ny osy velona, sy ny fiekeny ny fahotan'ny firenena eo amboniny, ny mpisoronabe dia tandindon'ny famindrana ny
andraikitra amin'ny ota ho amin’ny lohan'i Satana - izay tena
tompon’andraikitra.
Ny Soratra Masina dia mampiseho fa Satana dia kerobima
lehibe izay nijoro tamin'ny seza fiandrianan'Andriamanitra tamin'ny voalohany (Isaia 14: 12-15, Ezekiela 28: 11–17).
Isaia 14: 12-15
(Isaia 14:12) « Endrey!
latsaka avy tany an-danitra ianao, ry ilay fitarik'andro, zanaky ny maraina;
Voakapa hianjera amin'ny tany ianao, ry ilay mpandripaka firenena. »
(Isaia 14:13) « Ary ianao efa nanao
anakampo* hoe: Any an-danitra no hiakarako, ary ambonin'ny
kintan'Andriamanitra no hanandratako ny seza fiandrianako; Dia hipetraka eo
an-tendrombohitra; fivoriana any am-parany avaratra aho; » (Isaia
14:14) « Hiakatra ho any ambonin'ny
havoan'ny rahona aho ka ho tahaka ny Avo Indrindra; » (Isaia 14:15)
« Kanjo hampidinina hatrany amin'ny fiainan-tsi-hita** ho any
ampara-vodilavaka ianao.[*Nanao anakampo
= Nitsiriritra]. [Heb. **Sheola] »
Ezekiela 28: 11–19
[Faminaniana
ny amin’ny mpanjkan’i Tyro]
(Ezekiela
28:11) « Ary tonga tamiko ny tenin'i Jehovah nanao hoe: »(Ezekiela
28:12) « Ry zanak'olona, manaova hira
fahalahelovana ny amin'ny mpanjakan'i Tyro, ka lazao aminy hoe: Izao no
lazain'i Jehovah Tompo: Ry ilay mahatanteraka* ny rafitra tsara tarehy tonga
marika sady feno fahendrena no tena tsara tarehy,[Heb. manisy
tombon-kase] »(Ezekiela 28:13) « Tany
Edena, sahan'Andriamanitra, ianao; Ny vato soa rehetra no eloelo teo amboninao,
dia ny karneola, ny topaza, ny onyksa, ny krysolita, ny beryla, ny jaspy, ny
safira, ny robina, ny emeralda ary ny volamena; Ny fampanenoana ny
ampongatapakao sy ny sodinao* dia tao aminao, tamin'ny andro namoronana anao
dia natao koa ireo.[Na: vehivavy] »(Ezekiela 28:14) « Hianao dia kerobima voahosotra izay
manaloka, fa voatendriko ianao; Tao an-tendrombohitra masin'Andriamanitra
ianao; Tao amin'ny vato mirehitra no nitsangantsangananao. »(Ezekiela
28:15) « Tsy nanan-tsiny ianao tamin'ny nalehanao hatramin'ny andro namoronana
anao ka mandra-pahita heloka tao aminao. » (Ezekiela 28:16) « Noho ny
habetsahan'ny varotra nataonao dia nofenoina loza tao aminao, ka nanota ianao;
Ary dia nolotoiko ka nariako niala tamin'ny tendrombohitr'Andriamanitra
ianao, Ary nosimbako ianao, ry kerobima manaloka, hiala tao amin'ny vato
mirehitra. »(Ezekiela 28:17) « Niavonavona
ny fonao noho ny hatsaran-tarehinao; Efa nahasimba ny fahendrenao mbamin'ny
famirapiratanao ianao; Nazerako eny an-tany ianao sady natolotro ho
fitalanjonan'ireo mpanjaka. »(Ezekiela 28:18) « Noho ny
haben'ny helokao tamin'ny tsi-fahamarinan'ny varotrao, dia voalotonao ny fitoeranao
masina; Koa izany no hamoahako afo avy ao aminao handevona anao, ary hataoko
tonga lavenona eny ambonin'ny tany ianao eo imason'izay rehetra mijery
anao. »
(Ezekiela 28:19) « Ny
firenena rehetra izay mahalala anao dia ho gaga anao; Ho tonga fampitahorana
ianao ary tsy ho ao intsony mandrakizay. »
Noforonina
tsy manam-paharoa sy feno fahendrena i Losifera; Nitana andraikitra tena lehibe tamin'ny
fitondram-panjakan'Andriamanitra izy tamin’ny voalohany. Farany anefa dia voaloton'ny fireharehana izy. Io anjely
lehibe antsoina hoe Losifera io ("Ilay mitondra ny mazava")
dia nitarika ny
ampahatelon'ny anjely hikomy, mba handresy izao rehetra izaoary
haka ny
toeran'Andriamanitra. Nahiboka eto an-tany i Losifera, ary nantsoina hoe Satana
("fahavalo"); ary ireo anjely lavo izay nanaraka azy
dia lasa devoly. Noho ny fikomian'i
Satana, dia nanjary korontana sy lao ny tany. Tao anatin'ny enina andro Andriamanitra dia nanavao ny tarehin’ny tany,
ary namorona ny tontolon'ny olombelona. Rehefa avy nametraka olombelona roa natao tamin'ny
endriny tao amin'ny Sahan'i Edena ny Mpamorona, dia nampianatra azy
ireo ny fomba fiainan’Andriamanitra. Na izany aza, dia navelany
hiditra ao anaty zaridaina i Satana ary hifandray amin'ny olombelona. Resin'ny
fakam-panahy nataon'ny devoly i Adama sy Eva, ary nanota tamin'Andriamanitra
izy ireo.
Ny olombelona dia noforoninamety matyhianatra lesona,
arymisafidy
malalakany hanaiky ny Mpamorona azy. Nanomana Sorompanavotana noho ny fahotan’ny olombelona
Andriamanitra. Nanana drafitra
hatrany am-piandohana Andriamanitra.
Hebreo 10:7-14
(Hebreo 10:7) « Dia hoy
Izaho (Jesosy): Inty Aho tonga - Ao
amin'ny horonam-boky no nanoratana Ahy -Hanao ny sitraponao, Andriamanitra
ô". (Sal. 40.6-8). »(Hebreo 10:8) « Rehefa nolazainy teo hoe:
"Ny fanatitra alatsa-drà sy ny fanatitra
hohanina sy ny fanatitra odorana ary ny fanatitra noho ny ota" (dia ireny aterina araka ny lalàna) "no tsy ilainao ary tsy sitrakao", »(Hebreo
10:9) « dia hoy indray Izy: "Inty Aho tonga hanao ny sitraponao."
Manaisotra ny
voalohany Izy mba hampitoerany ny faharoa. »(Hebreo 10:10)
« Amin'izany
sitrapo izany no nanamasinana antsika tamin'ny nanaterana ny tenan'i Jesosy
Kristy indray mandeha. »(Hebreo 10:11) « Ary ny
mpisorona rehetra dia mitsangana isan'andro manao fanompoam-pivavahana sy
manatitra ireny fanatitra ireny ihany matetika izay tsy mahaisotra ny
ota; »(Hebreo 10:12) « fa Izy
kosa, rehefa nanao fanatitra iray monja ho mandrakizay noho ny
ota, dia efa mipetraka* eo an-tanana ankavanan'Andriamanitra, [*
Na: noho ny ota, dia efa mipetraka mandrakizay] »(Hebreo 10:13) « ka
hatramin'izao dia miandry Izy mandra-panaony ny fahavalony ho fitoeran-tongony. »(Hebreo
10:14) « Fa ny fanatitra iray ihany no efa
nahatanterahany ho mandrakizay izay olona hamasinina. »
Tsy tokony
hohamaivanintsika kosa anefa ny zavatra ratsy ataon'i Satana. Amin'ny farany, dia ho tompon'andraikitra amin'ny fanaintainana rehetra
sy ny fijaliana ateraky ny ota i Satana. Ny
fikomiany tamin'Andriamanitra, natosiky ny avonavona, no fototry ny olana
rehetra eo amin'izao tontolo izao. Izany no ambaran’nyApokalypsy 20, fa aorian'ny fiverenan'i Kristy sy ny fifehezany ny fikomian'ny olona, dia
hisy anjely mahery izay hampihiboka an'i Satana ao amin'ny lavaka lehibe.
Toerana tsy misy na inona na inona izany, izay tsy hahafahan’i Satana mamitaka ny
zanak'olombelona mandritry ny arivo taona hanjakan'i Kristy.
Ity fety
amin'ny Andro
Fanavotana ity dia manambara tranga lehibe manan-danja amin'ny Planin’Andriamanitra,
satria manomana ny zavatra hiseho
amin’ny Milenioma izay tandindon'ny Fetin’ny Tabernakely. Ho vita hatramin’ny farany ny famelana ny
heloky ny olombelona rehefa ahataka
tanteraka ilay mpamorona ny ota sy mpamitaka an'izao tontolo izao. Ity
fisehoan-javatra lehibe ity dia mampiseho ny fahasamihafana misy eo amin'nyenina arivo taonamaha-olombelona, feno korontana, tarihin'i Satana, sy ny arivo taona manaraka anjakan'i Kristy - afaka tamin'ny
herin'i Satana.